வாழைப்பூ நரம்பு எடுத்துவிட்டு அதில் இருக்கும் தொப்புள் என்கின்ற சதையும் எடுத்துவிட்டு பொடியாக அரிந்து கொள்ளவும். பருப்புக்கு தகுந்த வாழைப்பூ அரிந்துகொள்ளவும். ஒரு தக்காளிப் பழத்தை பொடியாக அரிந்து கொள்ளவும். வெங்காயம் சேர்த்து செய்யலாம் ஆனால் இப்போது நான் வெங்காயம் பூண்டு இவற்றை அரிதாக தான் உணவில் சேர்க்கிறேன். அதனால் நான் வெங்காயம் சேர்க்க வில்லை. துவரம்பருப்பை கழுவி சிறிது மஞ்சள் தூள் மற்றும் விளக்கெண்ணெய் அல்லது நல்லெண்ணெய் சேர்த்து வேக வைத்துக் கொள்ளவும். நன்கு மசித்துக் கொள்ளவும்.

இப்போது ஒரு டம்ளர் தண்ணீர் பிரஷர் பேனில் சேர்த்து அதில் வாழைப்பூ தக்காளி உப்பு ஒரு ஸ்பூன் சாம்பார் தூள் இவற்றை சேர்த்து மூடி வைத்து மூன்று சவுண்ட் விடவும். வாழை பூ நன்கு வெந்துவிடும். பிறகு கரைத்து வைத்த புளி தண்ணீரை குறைவாக சேர்த்து நன்கு கொதிக்க விடவும். ஒரு ஸ்பூன் எண்ணெய் விட்டு அதில் கடுகு உளுத்தம் பருப்பு கறிவேப்பிலை சேர்த்து தாளித்து கொட்டவும். கடைசியாக அரை ஸ்பூன் சர்க்கரை சுவைக்கு சேர்த்துக் கொள்ளவும்

சுவையான வாழைப்பூ சாம்பார் தயார். வெங்காயம் சேர்க்காமல் செய்வதால் விரத நாட்கள் கூட இந்த சாம்பார் செய்யலாம். சுவையாக இருக்கும்.