தக்காளி பீட்ரூட் மாங்காய் சட்னி(Tomoto, beetroot, and raw mango chutney)

நன்கு பழுத்த நான்கு அல்லது ஐந்து தக்காளியை கழுவி சுத்தம் செய்து பொடியாக அரிந்து வைத்துக்கொள்ளவும். இரண்டு துண்டு மாங்காயை பொடியாக அரிந்து கொள்ளவும்.ஒரு சிறிய பீட்ரூட்டை கழுவி தோல் நீக்கி துருவி வைத்துக் கொள்ளவும். ஒரு கப் நல்லெண்ணெய் எடுத்து வைத்துக் கொள்ளவும். கால் ஸ்பூன் சீரக தூள், ஒரு ஸ்பூன் வர மிளகாய்தூள், கால் ஸ்பூன் சாம்பார் தூள், ஒரு ஸ்பூன் தூள் உப்பு எடுத்துக் கொள்ளவும். தாளிக்கத் தேவையான கடுகு, சீரகம்,உளுத்தம்பருப்பு, பெருங்காயத்தூள், கறிவேப்பிலை எடுத்துக் கொள்ளவும்.

தக்காளி மாங்காய் பீட்ரூட் மூன்றையும் தனித்தனியாக மிக்ஸியில் அரைத்துக் முதலில் மாங்காய் பிறகு தக்காளி பிறகு பீட்ரூட் என வரிசையாக தனித்தனியாக அரைத்துக் கொள்ளவும். இல்லையென்றால் கலர் கலந்துவிடும்.ஒரு நான்-ஸ்டிக் கடாயில் 2 டேபிள்ஸ்பூன் நல்லெண்ணெய் ஊற்றி காய்ந்தவுடன் அதில் கடுகு, உளுத்தம்பருப்பு, பெருங்காயத்தூள், சீரகம், நான்கைந்து வெந்தயம், கருவேப்பிலை சேர்த்து தாளித்துக் கொள்ளவும். இவற்றைத் தனியாக எடுத்து வைத்துக் கொள்ளவும்.

அதே வாணலியில் ஒரு டேபிள்ஸ்பூன் எண்ணெய் நிறுத்திவிட்டு நீதியை சேர்த்து முதலில் தக்காளி விழுதை இரண்டு நிமிடம் வதங்க விடவும். பிறகு மாங்காய் விழுதை சேர்க்கவும். 2 நிமிடம் கழித்து பீட்ரூட் விழுது சேர்க்கவும். இவை மூன்றும் நன்றாக கலந்துவிட்டு மூன்று நிமிடம் வரை மூடி வைத்து மிதமான தீயில் வைத்திருக்கவும். பிறகு வரமிளகாய்த்தூள்,சாம்பார் தூள், சீரகத்தூள், உப்பு சேர்த்து நன்கு கலந்து மிதமான தீயில் மூடி வைத்து 5 நிமிடம் வரை வைத்திருக்கவும்.

பிறகு நன்கு கலந்து விட்டு என்னை பிரிந்து வந்து விட்டதா என்று பார்த்து விட்டு அடுப்பை நிறுத்தி விடவும். மீதமுள்ள நல்லெண்ணெய்யை சட்னியில் சேர்த்து கலந்து. மேலே தாளிப்பு களை சேர்த்து அலங்கரிக்கவும். சூடான இட்லிக்கு தோசைக்கு தொட்டுக் கொண்டு சாப்பிடலாம்.சப்பாத்திக்கு தொட்டுக் கொள்ள மிகவும் சுவையாக இருக்கும். குறிப்பு: மாங்காய் சேர்ப்பதால் புளி சேர்க்க தேவையில்லை. மாங்காய் இல்லை என்றால் ஆம்சூர் துளை கூட சேர்த்து செய்யலாம்.