ஒரு பாத்திரத்தில் தண்ணீர் சேர்த்து கூடவே உப்பு ஒரு தேக்கரண்டி நெய் சேர்த்து கொதிக்க விடவும்.

ஒரு கிண்ணத்தில் ராகி கலவைக்கு குறிப்பிட்டுள்ள மாவு மற்றும் தண்ணீர் சேர்த்து கரைத்து வைக்கவும். தண்ணீர் நன்கு கொதித்தவுடன் கரைத்து வைத்துள்ள ராகி மாவை சேர்த்து கிளறி 2 நிமிடம் வேக விடவும்.

பிறகு 2 கப் ராகி மாவை இதில் கொட்டி மூடி போட்டு தீயைக் குறைத்து 5 நிமிடம் அடுப்பில் விடவும்.

பிறகு மூடியை எடுத்து ஒரு மேஜைக்கரண்டி நெய் சேர்த்து கெட்டியான மர குச்சியால் கைவிடாமல் சிறு தீயில் கட்டிகள் இல்லாமல் கிளறவும். நன்கு களி கிண்டிய பின் மூடி போட்டு சிறு தீயில் 2 நிமிடம் வேக விடவும்.

அடுப்பை அணைத்துவிட்டு சூடான களியை உருண்டைகளாக பிடித்து தட்டில் வைக்கவும். சூடான களியுடன் நெய் சேர்த்து பரிமாறினால் சுவையாக இருக்கும்.