முதலில் பாலை கொதிக்க வைத்து அடுப்பை அணைத்து 2 நிமிடம் கழித்து வினிகருடன் சிறிது நீர் சேர்த்து பாலில் சேர்த்து பாலைநன்கு திரிய வைக்கவும். அதில் குளிர்ந்த நீரை ஊற்றி நன்கு கலந்து ஒரு மெலிதான டவலில் ஊற்றி வடிகட்டி 2மணி நேரம் கழித்து எடுத்தால் கெட்டியான பனீர் கிடைக்கும்.

அதை அடுப்பு மேடையில் உதிர்த்து உள்ளங்கையில்
10 நிமிடங்கள் தேய்த்து ஸாஃப்ட் ஆனதும், தேவையான அளவில் உருட்டி லேசாக தட்டி வைக்கவும்.

ஒருஅகன்ற வாணலியை அடுப்பில் வைத்து சர்க்கரை சேர்த்து 4கப் தண்ணீர் ஊற்றி 1 நிமிடம் கொதிக்க விடவும். பின் பனீர் வடைகளை போட்டு வேகவிடவும். மிதமான தீயில் 10நிமிடம் வேக வைத்து, திருப்பிப் போட்டு 10நிமிடம் வேக வைக்கவும். லேசாக தண்ணீர் தெளிக்கவும். நாம் போட்ட சைஸை விட இரு மடங்காக உப்பி இருக்கும். அடுப்பை அணைக்கவும்.

அதே சமயம் ஒரு அகன்ற பாத்திரத்தில் பாலை ஊற்றி கொதிக்கவிடவும். சற்று சுண்டியதும் அதில் பருப்பு வகைகளைப் போட்டு 5 நிமிடம் வேக விடவும். பின் ஏலக்காய் தூள், குங்குமப்பூ சேர்த்து இறக்கவும். இதில் பனீர் வடைகளை போட்டு குறைந்தது 2மணி நேரம் ஊறவைத்து ஃபிரிட்ஜில் வைத்து குளிர்ந்ததும் பரிமாறவும்.