கருவாட்டு குழம்பு(dry fish curry recipe in tamil)

கருவாட்டு தலையை நீக்கி சுடுதண்ணீரில் இரண்டு நிமிடம் ஊறவிட்டு மூன்று நான்கு முறை கழுவி தண்ணீரை வடிகட்டி கொள்ளவும்

கத்தரிக்காய் உருளைக்கிழங்கு முருங்கை காய் சின்ன வெங்காயம் ஆகியவற்றை நறுக்கி கொள்ளவும்

பின் வாணலியில் நல்லெண்ணெய் விட்டு சூடானதும் கடுகு சீரகம் வெந்தயம் சேர்த்து பொரிய விடவும் பின் இடித்த பூண்டு பச்சைமிளகாய் சேர்த்து நன்கு வதக்கவும் பின் நறுக்கிய வெங்காயம் பச்சை மிளகாயை சேர்த்து வதக்கவும்

வெங்காயம் பொன்னிறமானதும் நறுக்கிய தக்காளி சேர்த்து வதக்கவும்

பின் நறுக்கிய கத்தரிக்காய் உருளைக்கிழங்கு முருங்கை காய் சேர்த்து கூட உப்பு சேர்க்கவும்

பின் மஞ்சள் தூள் சேர்த்து நன்கு கலந்து மூடி வைத்து மெல்லிய தீயில் பத்து நிமிடம் வரை வேகவிடவும் அவ்வப்போது திறந்து மெதுவாக கிளறி விடவும்

காய்கறிகள் வெந்ததும் குழம்பு மிளகாய்த்தூள் சேர்த்து நன்கு கிளறவும்

பின் அலசிய கருவாடு சேர்த்து சிறிதளவு தண்ணீர் சேர்த்து மெல்லிய தீயில் மூடி வைத்து கொதிக்க விடவும்

கத்தரிக்காய் உருளைக்கிழங்கு முருங்கை காய் கருவாடு ஆகியவை வெந்ததும் புளிக்கரைசல் சேர்த்து நன்கு கலந்து கொதிக்க விடவும் பச்சை வாசனை போக கொதித்து திக்கானதும் இறக்கவும்

சுவையான ஆரோக்கியமான கருவாட்டு குழம்பு ரெடி