இன்ஸ்டன்ட் இட்லி சாம்பார்🤤😋(instant idli sambar recipe in tamil)

ஒரு கடாயை அடுப்பில் வைத்து, அதில் துவரம் பருப்பை போட்டு சிறுதீயில் வறுத்து, தனியாக எடுத்து வைத்துக்கொள்ள வேண்டும்.

ஒரு கடாயில் தனியா, மிளகு, சீரகம், வெந்தயம், கறிவேப்பிலை ஆகிய எல்லாவற்றையும் நன்கு வறுத்து, ஒரு தட்டில் போட்டு ஆற வைக்க வேண்டும். பிறகு கடாயில் கால் ஸ்பூன் எண்ணெய் விட்டு காய்ந்த மிளகாய், புளியை போட்டு வதக்கிக் கொள்ள வேண்டும்.

ஆறியவுடன் அனைத்தையும் மிக்ஸி ஜாரில் போட்டு பொடியாக அரைத்து எடுத்துக் கொள்ள வேண்டும்.

அதில் தேவையான அளவு உப்பு, மஞ்சள் தூள், பெருங்காயத்தூள்,பூண்டு பொடி, பொட்டுக்கடலை பொடி எல்லாவற்றையும் சேர்த்துக் கொள்ள வேண்டும். இப்போது இன்ஸ்டன்ட் சாம்பார் மிக்ஸ் தயார்

ஒரு வாணலியை அடுப்பில் வைத்து எண்ணெய் ஊற்றி சூடானதும் கடுகு நசுக்கிய பூண்டு கருவேப்பிலை பொடியாக நறுக்கிய ஒரு வெங்காயம் சேர்த்து நன்கு வதக்க வேண்டும் பிறகு ஒரு தக்காளியை பொடியாக நறுக்கி சேர்த்து வதக்கி கொள்ள வேண்டும்

இன்ஸ்டன்ட் சாம்பார் பொடி மூன்று ஸ்பூன் எடுத்து தண்ணீர் சேர்த்து கட்டியில்லாமல் நன்கு கலந்து அதை தாளிப்பில் சேர்த்து நன்கு கிளறி விட வேண்டும் அடிப்பிடிக்காமல் 3 நிமிடம் கிளறினால் நமது இன்ஸ்டன்ஸ் சாம்பார் தயார். சிறிதளவு தேங்காய்த்துருவல், மல்லி இலை தூவி பரிமாறலாம்.🤤🤤😋