உருளைக்கிழங்கை உதிர்த்து வைக்கவும். கொத்தமல்லித்தழை, பச்சை மிளகாய், வரமிளகாய், இஞ்சி, பூண்டு நைசாக அரைத்து வைக்கவும்.

ஒரு வாணலியில் முந்திரியை நெய்விட்டு வறுத்து எடுக்கவும். பின் அதே வாணலியில் எண்ணெய் விட்டு காய்ந்ததும் கடுகு, உளுத்தம்பருப்பு தாளித்து வெங்காயம், கேரட் சேர்த்து நன்கு வதக்கவும்.

இதனுடன் உப்பு, மஞ்சள் தூள் சேர்த்து நன்கு வதக்கவும். வதங்கியதும் அரைத்த விழுதை சேர்த்து எண்ணெய் பிரியும் வரை வதக்கவும். பின் உருளைக்கிழங்கு சேர்த்து 2 நிமிடம் வதக்கவும்.

பின்னர் தக்காளி ஜூஸ் சேர்த்து 1நிமிடம் வதக்கவும்.பின் 100 மிலி அளவு தண்ணீர் ஊற்றி கலந்து விடவும்.2 நிமிடம் வெந்ததும் பொட்டுக்கடலைத் தூளை சிறிதளவு தண்ணீர் சேர்த்து கரைத்து ஊற்றி 2 நிமிடம் வதக்கவும். பின் இதனுடன் வறுத்த முந்திரி சேர்த்து நன்கு கலந்து இறக்கவும்.

பூரிக்கு மாவு பிசைந்து, சிறு உருண்டைகளாக உருட்டி, சிறு சிறு வட்டங்களாக உருட்டி வாணலியில் எண்ணெய் விட்டு காய்ந்ததும் பூரி சுட்டு எடுக்கவும். இதனுடன் க்ரீன் மசால் வைத்து பரிமாறவும்.