தேவையான பொருட்களை தயாராக எடுத்துக் கொள்ளவும். வெங்காயத்தை பொடியாக நறுக்கவும்.

சிறிய மிக்ஸி ஜாரில் இஞ்சி, பூண்டை, அரைக்கவும்.

அடுப்பை மிதமான தீயில் வைத்து, கடாயில், 1 ஸ்பூன் எண்ணெய் காய்ந்ததும், குறுணையை நன்கு கருகாமல் வறுத்து தட்டில் ஆற விடவும்.

அடுப்பை மிதமான தீயில் வைத்து கடாயில் எண்ணெய் விட்டு காய்ந்ததும், கடுகு போட்டு வெடித்ததும், சி.மிளகாய், கறிவேப்பிலை, க.பருப்பு, உ.பருப்பு, போடவும்.

அனைத்தையும் போட்டு தாளித்ததும், நறுக்கின வெங்காயம், இஞ்சி, பூண்டு விழுது, ம.தூள், உப்பு போட்டு நன்கு வதக்கவும்.

வதங்கியதும், தேவையான தண்ணீர் விட்டு கொதித்ததும், அடுப்பை சிறு தீயில் வைத்து, வறுத்த குறுணையை போட்டு கட்டி தட்டாமல், நன்கு கிளறி, மூடி போட்டு மூடி, நன்கு வெந்ததும் அடுப்பை நிறுத்தி விடவும்.