3 3/4 கப் தண்ணீரை ஒரு பாத்திரத்தில் ஊற்றி நன்கு கொதிக்க வைக்கவும்.

காய்கறிகளை பொடியாகவும், ப.மிளகாயை கீறியும் வைத்துக் கொள்ளவும்.கடாயில் தே.எண்ணெய் விட்டு காய்ந்ததும், கடுகு போடவும். கடுகு பொரிந்ததும், கபருப்பு, உ.பருப்பு போடவும்.

பருப்புகள் சிவந்ததும், நறுக்கின வெங்காயம், சிறிது உப்பு போட்டு நன்கு வதக்கவும்.பிறகு, தக்காளி, ப.மிளகாய் போடவும்.பின் உருளை கிழங்கை போடவும்.

பிறகு குடமிளகாயை போட்டு நன்கு வதக்கவும்.காய்கறிகள் வதங்கியதும்,அடுப்பை சிறியதில் வைத்து, சம்பா கோதுமை, 1 ஸ்பூன் தே.எண்ணெய் விடவும்.

பின் நன்கு கிளறி, கொதிக்க வைத்த தண்ணீரை ஊற்றி, பெருங்காயத்தூள், உப்பு, கறிவேப்பிலை, போட்டு 5 நிமிடம் மூடி வேக விடவும்.

முக்கால் பங்கு ரவை வெந்ததும் அடுப்பை நிறுத்தி விட்டு, ஆறினதும், கொழுக்கட்டை போல் பிடித்து,இட்லி குக்கர் தட்டில் தே.எண்ணெய் தடவி பிடித்ததை வைத்து 5 நிமிடம் வேக வைத்து எடுக்கவும்.பிறகு தட்டில் மாற்றவும்.

இப்போது ஆவியில் வெந்த, சுவையான, ஆரோக்கியமான, வித்தியாசமான,* வெஜ் சம்பா ரவை கொழுக்கட்டை* தயார்.(இட்லி தட்டில் வைத்து எடுத்ததை புகைப்படமாக எடுக்க மறந்துவிட்டேன்)இது தேங்காய் சட்னி, காரச் சட்னி,தக்காளி சட்னி, சாம்பார் நல்ல காம்பினேஷன்.