மட்டன் கிரேவி மற்றும் கறி(mutton gravy & curry recipe in tamil)

மட்டனை சுத்தம் செய்து அலசி கொள்ளவும் பின் வாணலியில் எண்ணெய் மற்றும் பாதி நெய் விட்டு சூடானதும் கடுகு சோம்பு சேர்த்து பொரிய விடவும் பின் வரமிளகாய் கிள்ளி போட்டு வதக்கவும் பின் நறுக்கிய வெங்காயம் கறிவேப்பிலை சேர்த்து வதக்கவும் பின் இஞ்சி பூண்டு இரண்டையும் விழுதாக அரைத்து சேர்த்து வதக்கவும்

இஞ்சி பூண்டு பச்சை வாசனை போனதும் தக்காளியை விழுதாக அரைத்து சேர்த்து நன்கு வதக்கவும் பின் சுத்தம் செய்த மட்டன் சேர்க்கவும்

பின் மிளகாய்த்தூள் கரம் மசாலா தூள் மல்லித் தூள் சீரகத்தூள் மிளகுத்தூள் மட்டன் மசாலா தூள் உப்பு மஞ்சள் தூள் சேர்த்து வதக்கவும் பின் மிதமான தீயில் 5 _8 நிமிடங்கள் வரை மூடி வைக்கவும் தேங்காயை உடைத்து மூன்று மூடியை இரண்டு லிட்டர் அளவிற்கு தண்ணீரை சிறிது சிறிதாக சேர்த்து அரைத்து பிழிந்து பால் எடுத்து கொள்ளவும் முதல் பால் இரண்டாம் பால் வேண்டாம் ஒன்றாகவே சேர்த்து கொள்ளலாம் மீதமுள்ள ஒரு மூடி சற்று பெரிய மூடியாக எடுத்து உடைத்து சின்ன சின்ன துண்டுகளாக நறுக்கி வைக்கவும்

பின் அரைத்த தேங்காய் பாலை ஊற்றி மட்டனை வேகவிடவும் தேங்காய் பாலில் வேகும் போது நல்ல ருசி கிடைக்கும்

மசாலா அரைக்க கொடுத்துள்ள பொருட்களை வதக்கி ஆறவிட்டு மிக்ஸியில் போட்டு நைசாக அரைத்து எடுக்கவும் பின் மட்டன் வெந்ததும் (சுமார் 20_25 நிமிடங்கள் வரை வேகவிடவும்) அரைத்த விழுதை சேர்த்து நன்கு கலந்து கொதிக்க விடவும்

பத்து நிமிடம் வரை நன்கு கொதிக்க விடவும் பின் பொடியாக நறுக்கிய தேங்காய் துண்டுகள் சேர்த்து நன்கு கலந்து பின் மீண்டும் மிதமான தீயில் 15 நிமிடங்கள் வரை கொதிக்க விடவும் பின் மீதி நெய்யில் இருந்து 50 மில்லி நெய்யை ஊற்றி கலந்து விடவும்

மேலும் 5 நிமிடம் வரை கொதிக்க விட்டு நன்கு எண்ணெய் பிரிந்து வரும் போது கொத்தமல்லி தழை தூவி இரண்டு நிமிடம் வரை மெல்லிய தீயில் வைத்து கொதிக்க விடவும் பின் கிரேவியை மற்றும் தனியே எடுத்துக் கொள்ளவும் முழுவதும் எடுக்க வேண்டாம் சற்று கிரேவியை விட்டு விட்டு எடுக்கவும் இப்போது கிரேவி ரெடி

இப்போது மீதமுள்ள நெய்யை ஊற்றி அடுப்பை மெல்லிய தீயில் வைத்து 1 ஸ்பூன் அளவு சீரகத்தூள் 1/2 ஸ்பூன் மிளகுத்தூள் தூவி முடி வைக்கவும் கிரேவி வற்றி சேர்ந்து வந்ததும் கொத்தமல்லி தழை தூவி இறக்கவும்

இப்போது மட்டன் கிரேவி மற்றும் கறி ரெடி