வாழைக்காய் சுக்கா (raw banana chukka recipe in Tamil)

முதலில் கடாயில் எண்ணெய் விட்டு காய்ந்ததும் அதில் சோம்பு கருவேப்பிலை தாளிக்கவும்.. பொடியாக நறுக்கிய வெங்காயத்தையும் சேர்த்து நன்றாக வதக்கவும்..

வெங்காயம் வதங்கியதும் அதனுடன் இஞ்சி பூண்டு விழுதையும் சேர்த்து வதக்கி தக்காளியும் சேர்த்து நன்றாக வதக்கி மிளகாய் தூள் தனியா தூள் சிக்கன் மசாலா தூள் சேர்த்து நன்றாக வதக்கவும்..

எல்லாம் நன்றாக கலந்ததும் சிறிது அளவு தண்ணீர் ஊற்றி பச்சை வாசனை போகும் அளவு வதக்கினால் போதுமானது..

மூன்று வாழைக்காயை எடுத்து தோல் நீக்கி அதை சிறு சிறு துண்டுகளாக வெட்டி அதில் உப்பு மஞ்சள் தூள் சேர்த்து கலந்து கொள்ளவும்..

கடாயில் எண்ணெய் விட்டு நாம் கலந்து வைத்துள்ள வாழைக்காயை அதில் சேர்த்து பொன்னிறமாக வறுத்தெடுக்கவும்..

இப்பொழுது நாம் வதக்கி வைத்த மசாலாவுடன் பொரித்த வாழைக்காயையும் சேர்த்து ஈரப்பதம் போக நன்றாக வறுத்துக் கொள்ளவும்.. இறுதியாக கொத்தமல்லி இலை தூவி இறக்கவும்..

இப்போது சூடான சுவையான வாழைக்காய் சுக்கா தயார்..