સૌપ્રથમ એક કડાઈમાં કોરી મગની દાળ 5 થી 7 મિનિટ માટે થોડો રંગ બદલાય ત્યાં સુધી મધ્યમ તાપે શેકી લો. દાળ ઠંડી પડે એટલે મિક્સર જારમાં ક્રશ કરી લો. હવે રવાની ચાળણી વડે ચાળી લો. 1/4 વાટકી જેટલો કકરો લોટ નીકળે એને અલગ રાખી લો.

હવે આપેલ માપ કરતા અડધા ભાગનું ઘી એક કડાઈમાં મૂકો. ઘી ગરમ થાય એટલે તેમાં સૌપ્રથમ કકરો લોટ ઉમેરી ધીમા તાપે 2 થી 4 મિનિટ સુધી શેકી લો. હવે બીજા અડધા ભાગનું ઘી ઉમેરી ચાળેલો મગની દાળનો લોટ ઉમેરી બરાબર મિકસ કરી લો.

આ રીતે હલકો થાય એટલે 12 થી 15 મિનિટ સુધી શેકી લો. હવે હુંફાળું દૂધ ધીમે ધીમે ઉમેરો. આને બરાબર મિક્સ કરી લો.