સૌપ્રથમ છાશમાં મીઠું અને બેસન નાખી બ્લેન્ડર ફેરવી લો. હવે તેને ગેસ ઉપર ઉકળવા મૂકો. તેમાં આદું-મરચાંની પેસ્ટ,ખાંડ, હળદર, લાલ મરચાં પાઉડર નાખી મિક્સ કરો. હવે વઘારીયામાં ઘી ગરમ કરો. ઘી ગરમ થાય એટલે તેમાં તજ અને લવિંગ ક્રેક કરો. ત્યારબાદ તેમાં રાઈ, જીરુ, મેથીદાણા, સૂકું લાલ મરચું, લીમડી પત્તા, હીંગ નાખી અને વઘાર તૈયાર કરો આ વઘાર કઢીમાં નાખી અને તેને ધીમા તાપે ઉકળવા દો.

હવે એક બાઉલમાં મેથીની ભાજી, લીલા ધાણા,લીલું લસણ લઈ તેમાં તમામ મસાલા તથા૧ ટીસ્પૂન તેલ એડ કરો. મિક્સ કરી ઢીલો લોટ તૈયાર કરો. ચપટી કુકિંગ સોડા એડ કરી ફરી મિક્સ કરી ગરમ તેલમાં ગોળ ગોળા વાળી તળી લો. ધીમા તાપે ક્રિસ્પી તળો. હવે ઉપડતી કઢીમાં આ ડબકા નાખી દો બેથી ત્રણ મિનિટ બાદ ગેસ ઓફ કરી દેવો. હવે તેની ઉપર લીલા ધાણા, લાલ મરચા પાઉડર થી ગાર્નિશિંગ કરો.