સૌપ્રથમ ચોખાને ધોઈ અને ૫ મિનિટ માટે પલાળી રાખો.હવે એક તપેલીમાં ૨ ગ્લાસ પાણી ગરમ કરવા મુકો પાણી ઉકળે એટલે તેમાં ચોખા નાખી એવી રીતે બાફો કે દાણા આખા રહે. ત્યારબાદ એક ચારણીમાં ચોખાને કાઢી પાણી નિતારી લો. બિલકુલ ઠંડા પડવા દો.

હવે એક પેનમાં ઘી ગરમ કરવા મુકો. ઘી ગરમ થાય એટલે તેમાં તજ,લવિંગ,તમાલપત્ર, સૂકું લાલ મરચું, જીરું તથા હિંગ નાખી વઘાર તૈયાર કરો. હવે તેમાં પાલકનો પલ્પ એડ કરો. મીઠું નાખી અને મિક્સ કરો. પાલકનો પલ્પ બરાબર ઉકળવા લાગે એટલે તેમાં બિરયાની મસાલો તથા હળદર એડ કરો. મિક્સ કરો અને ત્યારબાદ તેમાં બાફેલા ચોખા એડ કરો. બહુ સાવધાનીથી મિક્સ કરો. પાંચથી સાત મિનિટ સુધી ધીમા ગેસ પર રાખો.હવે તેની ઉપર 1 ટી સ્પૂન જેટલું ઘી ચારે બાજુ સ્પ્રેડ કરી દો. તૈયાર છે પાલક પુલાવ.