સૌપ્રથમ બીટને ધોઈ,છાલ ઉતારી છીણી લેવું.બાસમતી ચોખા ૨૦ મિનિટ સુધી પાણી માં પલાળી રાખો.

આ છીણને એક મોટી ગરણી માં નાખી નીચે એક બાઉલ રાખી ચમચી ની મદદથી પ્રેસ કરી બીટનો રસ નીતારી લો.છીણ એક બાઉલમાં કાઢી લો.ચોખાને મોટી તપેલીમાં અધકચરા બાફીને ચાળણીમાં કાઢી લેવા.લીલા વટાણા પણ અલગથી બાફી લેવા.

હવે એક નોનસ્ટિક પેનમાં ઘી ગરમ કરો.ગરમ થાય એટલે તેમાં જીરુ,તજ, લવિંગ,ઈલાયચો, તમાલપત્ર,સુકા લાલ મરચાં, મીઠી લીમડી, દગડફુલ નાખી બરાબર સોતે કરો.હવે હીંગ, હળદર, લાલ મરચાં પાઉડર નાખી મીક્સ કરો.ગેસ ધીમો રાખવો.તેમાં બીટનો અડધા ભાગનો રસ એડ કરો.ત્યારબાદ બાફેલા ચોખા એડ કરો.મીકસ કરો.જો તમને વધુ ડાર્ક કલર પસંદ છે તો બીટનો રસ વધુ એડ કરો.મને પીંક કલર પસંદ છે તો મેં બાકીનો બીટનો રસ એડ કર્યો નથી.

હવે તેમાં મીઠું, બાફેલા વટાણા,૧ ટેબલ ચમચી બીટનું છીણ તથા ઝીણા કટ કરેલા ફુદીના પાન એડ કરો.મીકસ કરી લો.ધીમા ગેસ ઉપર ૫ મિનિટ માટે કુક થવા દો.એક સર્વિંગ પ્લેટમાં કાઢી ઉપર કોથમીર અને ફુદીના પાન થી ગાર્નિશ કરો.મસાલેદાર દહીં,સલાડ, ડ્રાય ગ્રીન ચટણી સાથે સર્વ કરી શકો.