முதலில் துவரம் பருப்பு மற்றும் பாசிப்பருப்பை நன்றாக கழுவி குக்கரில் சேர்த்து மூன்று கப் தண்ணீர் விட்டு சீரகம், மஞ்சள்தூள் மற்றும் எண்ணெய் சேர்த்து இரண்டு விசில் வேக வைத்து எடுத்துக் கொள்ளவும். வாணலியில் நெய் சேர்த்து காய்ந்ததும் சீரகம், பெருங்காயத்தூள், குண்டு மிளகாய் சேர்த்து வதக்கி பின் நறுக்கிய பெரிய வெங்காயம் சேர்த்து பொன்னிறமாக வதக்கவும்.வெங்காயம் வதங்கியவுடன் இஞ்சி பூண்டு விழுது சேர்த்து வதக்கி பின் நறுக்கிய தக்காளி சேர்த்து தேவையான அளவு உப்பு மிளகாய்த்தூள் சேர்த்து குழைய வேகவிடவும்.

தக்காளி வதங்கியவுடன் வேக வைத்த பருப்பை சேர்த்து தேவையான அளவு தண்ணீர் சேர்த்து நன்றாக கொதிக்க வைக்கவும். குழம்பு கொதித்ததும் உப்பு சரிபார்த்து இறுதியாக நறுக்கிய கொத்தமல்லி, கரம் மசாலாத்தூள் மற்றும் கஸ்தூரி மேத்தி சேர்த்து கலந்து இறக்கவும். இதனை சாதம், சப்பாத்தி, ரொட்டியுடன் சாப்பிடலாம்.