ஒரு பாத்திரத்தில் 1 கப் ரவை மற்றும் 2 டேபிள்ஸ்பூன் எண்ணெய் ஊற்றி நன்கு பிரட்டி கொண்டு அதில் 2 டேபிள்ஸ்பூன் மைதா மாவு மற்றும் தேவையான உப்பு சேர்த்து சேர்த்து நன்கு கலந்து 1/2 கப் சூடான தண்ணீர் ஊற்றி பிசைந்து கொள்ளவும். சப்பாத்தி மாவு போல் இருக்க வேண்டும். ஒரு ஈரமான துணியால் மூடி 60 நிமிடங்கள் வைக்கவும்.

ஒரு பாத்திரத்தில் தண்ணீர் ஊற்றி அதில் 1/2 கப் புளி மற்றும் 1/2 கப் பேரிச்சை பழம் சேர்த்து 10 நிமிடங்கள் கொதிக்க விடவும். சூடு ஆறியதும் மிக்ஸியில் போட்டு தேவையான உப்பு மற்றும் 1 டீஸ்பூன் மிளகாய்த்தூள் சேர்த்து நன்கு அரைத்து கொள்ளவும். புளி சட்ணி தயார்.

ஒரு மிக்ஸியில் 1 கப் கொத்தமல்லி, 1/2 கப் புதினா மற்றும் 4 பச்சை மிளகாயை சேர்த்து நன்கு அரைத்து கொள்ளவும். அதில் 4 கப் தண்ணீர் ஊற்றி தேவையான உப்பு சேர்த்து 1 டீஸ்பூன் சாட் மசாலா மற்றும் 1 எலுமிச்சை பழச்சாறு சேர்த்து கலந்து கொள்ளவும். பானி பூரிக்கு பானி தயார்.

ஒரு குக்கரில் உருளைக்கிழங்கை 3 விசில் வரும் வரை வைக்கவும். பின்னர் தோல் உரித்து நன்கு கலந்து கொள்ளவும். தேவையான அளவு உப்பு, 1 டீஸ்பூன் கரம் மசாலா மற்றும் 1/4 டீஸ்பூன் மஞ்சள்தூள் சேர்த்து நன்கு கலந்து கொள்ளவும். பூரி உள்ளே வைக்க உருளைக்கிழங்கு தயார்.

60 நிமிடங்கள் வைத்திருந்து மாவு தயாரான பிறகு ஒரு வாணலியை பூரி பொரித்து எடுக்க எண்ணெய் ஊற்றி காய்ந்ததும் அதில் ஒரு ஒரு பூரி இட்டு போடவும். சிறிய அளவில் மிகவும் தட்டையாக இடாமல் கொஞ்சம் குண்டாக இட வேண்டும். அப்போது தான் பூரி பந்து போல் எண்ணெயில் உப்பும். இந்த அளவு மாவை கொண்டு 30 பூரி பொரித்து எடுக்கலாம்.

சர்வ் செய்ய பூரியில் ஒரு சிரிய துளை இட்டு அதில் சிறிது உருளைக்கிழங்கு கலவை வைத்து, சிறிது புளி சட்ணி சேர்த்து சேவ் தூவி பச்சை பானி நிரப்பி உடனே உண்டு மகிழுங்கள். கடை போல் பானி பூரி தயார்.