સૌપ્રથમ એક બાઉલમાં ઘઉ નો લોટ લઈ તેમાં તેલ નું મોણ નાખી પાણી ઉમેરી રોટલી નો લોટ બાંધવો.

ત્યારબાદ તુવેર ની દાળ ને ધોઈ ને કુકરમાં પાણી ઉમેરી ચાર થી પાંચ સીટી વગાડી દાળ ને બાફી લેવું. પછી દાળ ને એક બાઉલમાં કાઢી લેવું.ત્યારબાદ તેમાં ખાંડ ઉમેરી બરાબર મિક્સ કરવું

ત્યારબાદ બરાબર મિક્સ થઈ જાય એટલે માઇક્રોવેવ માં પહેલા પંદર મિનિટ સુધી થવા દેવું પછી તેને હલાવી ફરી દસ મિનિટ માટે માઇક્રોવેવ માં મુકવું. ફરી હલાવી પાંચ મિનિટ સુધી થવા દેવું થઈ જાય એટલે તેને માઈક્રોવેવ માંથી કાઢી ઠંડી થવા દેવું.

ત્યારબાદ ઠંડી થઈ જાય એટલે તેમાં વાટેલી ઇલાયચી અને જાયફળ પાઉડર નાંખી મિક્સ કરવું.ત્યારબાદ બાધેલા લોટ ના લુઆ કરી પાટલી પર પૂરી જેવી નાની રોટલી વણી તેમા ગોળદાળ નો માવો મુકી ગોળ વાળી લેવું. પછી તેની મોટી રોટલી વણી લેવુ.

ત્યારબાદ ગેસ પર તાવી મુકી તેલ મુકી રોટલી ને બંને બાજુ ગુલાબી થાય ત્યા સુધી શેકી લેવું ઉપર ઘી લગાવી ગરમ ગરમ સવ કરવું. આ ગોળદાળ ગેસ પર પેનમાં પણ થાય છે. મેં માઈક્રોવેવ માં કરી છે. બંને રીતે તૈયાર થાય છે.