સૌપ્રથમ એક બાઉલમાં રવો, દહીં અને સ્વાદ પ્રમાણે મીઠું બધું મિક્સ કરી લો પાણી બિલકુલ નાખવાનું નથી સરસ રીતે હલાવી આ બેટર ને 30 મિનિટ સુધી ઢાંકીને અલગથી મુકી રાખો.

હવે તુવેર દાળ ૨- ૩ પાણીથી ધોઈ ને કુકરમાં હળદર અને મીઠું નાખી અને ત્રણ કપ પાણી નાખી ૩ સીટીઆવે ત્યાં સુધી બફાવા મૂકો.

હવે એક બીજા પેનમાં તેલ ગરમ કરી તેમાં કાંદા, ટામેટાં, બટાકા ત્રણે-ત્રણ વસ્તુને સાંતળો. પાંચથી સાત મિનિટ સુધી થવા દો.

પાંચથી સાત મિનિટ સુધી પછી તેની અંદર સાંભાર મસાલો મિક્સ કરો.

હવે તેની અંદર લાલ મરચું પાઉડર અને થોડું મીઠું નાખી ઢાંકી થવા દો.

હવે શાક ચડી જાય એટલે તેમાં બાફેલી તુવેરની દાળ ક્રશ કરી ઉમેરો હવે બધું સરસ રીતે મિક્સ કરી તેમાં આંબલીનો પલ્પ નાખો.

હવે થોડો ગોળ નાખો અને પાંચથી સાત મિનિટ સુધી સાંભર ને ઉકળવા દો.

હવે સાંભાર માં વઘાર માટે એક વઘારિયા માં 2 tbsp તેલ લઈ તેલ ગરમ થાય એટલે તેમાં રાઈ નાખો રાઈ તતડી જાય એટલે તેમાં હિંગ નાખો હવે આ વઘારને સાંભાર ઉપર રેડો.

હવે આપણું ઈડલી નુ ખીરુ 30 મિનિટ સુધીમાં તૈયાર થઈ ગયું હશે. તો એમાં જરૂરિયાત પ્રમાણે પાણી રેડી બહુ જાડું નહીં અને બહુ પાતળું નહીં તેવું ખીરું તૈયાર કરો. હવે ઇડલીના મોલ્ડમાં તેલ ગ્રીસ કરી ઇડલીનું બેટર ભરો.

હવે 10 મિનિટ ઈડલી ને ઈડલીના કૂકરમાં બાફવા મૂકો. દસ મિનિટ થઈ જાય એટલે ઇડલી ની અંદર ચપ્પુ નાખીને ચેક કરો ચપ્પુ કોરુ આવે તો તમારી ઈડલી તૈયાર થઈ ગઈ છે.

તો વરસાદની સિઝનમાં નાના બાળકોને ભાવતા અને ગરમાગરમ એકદમ ઝડપથી બની જતા ઇડલી સંભાર ની મજા માણો.