તુવેર દાળ ને બે થી ત્રણ વાર ધોઈ લેવી. હવે બે કપ પાણી સાથે તુવેરની દાળને પ્રેશર કુકરમાં ઉમેરીને મીડીયમ તાપ પર ચાર થી પાંચ વ્હિસલ વગાડવી અને એની જાતે ઠંડું થવા દેવું. દાળમાં થોડું પાણી ઉમેરીને બ્લેન્ડ કરી લેવી અથવા તો ગાળી લેવી જેથી કરીને એકરસ થઇ જાય.

એક પોટ માં તેલ ગરમ થાય એટલે તેમાં રાઈ ઉમેરવી. રાઈ ફૂટે એટલે તેમાં મેથી અને હીંગ ઉમેરવા. હવે તેમાં કરી પત્તા, સૂકું મરચું, લીલું મરચું અને આદુ ઉમેરવા.

હવે તેમાં કાંદા ઉમેરીને પારદર્શક થાય ત્યાં સુધી પકાવવું. હવે તેમાં બધા શાકભાજી ઉમેરીને હલાવી લેવું. હવે તેમાં હળદર, કાશ્મીરી લાલ મરચું, લાલ મરચું પાવડર, સાંભાર મસાલો, મીઠું અને આમલીનો પલ્પ ઉમેરી ને બધું બરાબર હલાવી લેવું.

હવે તેમાં તુવેરદાળ અને પાણી ઉમેરવું. સાંભાર ને પસંદગી પ્રમાણે જાડો કે પાતળો રાખી શકાય. હવે તેને મીડીયમ તાપ પર જ્યાં સુધી બધા શાકભાજી બરાબર ચડી જાય ત્યાં સુધી પકાવવું. વચ્ચે-વચ્ચે હલાવતા રહેવું. સાંભાર ને ધીમા તાપે ૩૦ મિનીટ માટે પકાવવો, આમ કરવાથી સાંભાર ખૂબજ સ્વાદિષ્ટ બને છે.