સૌપ્રથમ ચોખા અને બન્ને દાળને ૭ કલાક માટે ગરમ પાણી માં પલાળવા. ત્યાર બાદ તેમાંથી પાણી નિતારી લેવું. અને મિક્સીમાં ક્રશ કરી લો. પછી તેને ૧ કલાક માટે રહેવા દો. પછી તેમાં આદુ મરચાની પેસ્ટ અને સાજીના ફૂલ નાખી હલાવવું. અને મિડિયમ આંચ પર તળી લેવા.(વડા તળિયે ત્યારે હલાવતા રહેવું જેથી તેમાં જાળી પડશે.)

તળેલા વડાને ૩-૪ મિનિટ માટે એમ જ રેહવા દેવા પછી પાણી માં પલાળવા. (તરત પાણીમાં નાખવાથી વચ્ચે કાચા રહી જાય છે.) પછી મોળા દહીં માં દળેલી ખાંડ નાખીને જેરણીથી વલોવવુ. તેમાં થોડું મીઠું પણ ઉમેરવું.

હવે પલાળેલી વડા ને એક પ્લેટમાં ગોઠવો. તેની પર તૈયાર કરેલું દહીં નાખવું. પછી તેના ઉપર સેકીને પિસેલુ જીરું, ધાણાજીરું, મરચાની ચટણી, ગરમ મસાલો,ઝીણી સેવ, મસાલા બી, કોથમીર અને ઝીણી સમારેલી ડુંગળી નાખી ગાર્નિશ કરવું. તૈયાર છે આપણાં ટેસ્ટી દહીંવડા.