ગુલાબજામુન કેક(Gulabjamun cake recipe in Gujarati)

સૌ પ્રથમ બધી વસ્તુઓ તૈયાર કરો.હવે સૌ પ્રથમ કેક બેટર રેડી કરીશુ. કુકર મા સીટી અને રીંગ કાઢી જાળી મુકી મીઠું નાખીને ગેસ પર પ્રી હીટ કરવા મુકો.કેક મોલ્ડ ને ગ્રીસ કરી લોટ છાંટીને રેડી કરો.

એક બાઉલમાં લોટ, સોડા, બેકીંગ પાઉડર, દળેલીખાંડ ચાળી ને મિક્સ કરી દો. હવે બીજા બાઉલમાં દુધ, એસેન્સ અને ઘી નાખી મિક્સ કરી લોટ મા મિક્સ કરી દો. કટ એન્ડ ફોલ્ડ મેથડ થી. પછી કેક મોલ્ડ મા રેડી કેક બેક કરો. ૧૦ મિનિટ ફાસ્ટ તાપે ૩૦ મિનિટ ધીમે તાપે બેક કરો. પછી ટુથપીક થી ચેક કરી ઠરવા મુકો.

હવે ગુલાબજામુન ની ચાસણી રેડી કરો. તપેલી મા ખાંડ ડુબે એટલુ પાણી નાખી ગરમ કરી દો પછી ૫ મિનિટ ઉકળવા દો. પછી ઇલાયચી પાઉડર, કેસર નાખી મિક્સ કરી દો. ગેસ બંધ કરી દો.

હવે ગુલાબજામુન માટે ગેસ પર એક લોયા મા ઘી મુકી ગરમ થાય પછી દુધ ઉમેરી મિક્સ કરી થોડો થોડો રવો નાખી મિક્સ કરી બધુ દુધ મિક્સ થાય પછી ગેસ બંધ કરી ડીશ મા ઠારી દો.

પછી ઘી વાળો હાથ કરી ગોળ રોલ વાળી લો. પછી ગેસ પર તેલ ગરમ કરવા માટે મુકો. બધા ગુલાબજામુન લાઈટ બ્રાઉન કલર ના તળી લો.

પછી બધા ૨૦ મિનિટ માટે ચાસણી મા ડુબાડી દો. ચાસણી સતપ રાખો જો ઠરી જાય તો ફરી સતપ કરી પછી ગુલાબજામુન નાખો.

હવે કેક ઠરી જાય એટલે ૩ ભાગ મા કટ કરી લો. પછી ફ્રોસ્ટીંગ માટે ક્રીમ ને ૧૦ મિનિટ બીટર થી બીટ કરી દો. પછી એસેન્સ અને દળેલીખાંડ નાખી બીટ કરી દો.

પછી પાઈપીંગ બેગ મા નોઝલ નાખી ક્રીમ ભરી લો. પછી કેક પ્લેટ મા થોડુ ક્રીમ પાથરી એક કેક પાર્ટ મુકી કેસર દુધ ૧ ટી ચમચી લગાવી, ક્રીમ લગાવી, ગુલાબજામુન ના કટકા પાથરી દો. પછી બીજુ કેક પાર્ટ મુકી, કેસર દુધ લગાવી, ક્રીમ લેયર કરી ગુલાબજામુન કટકા પાથરી દો. પછી ત્રીજા પડ ને મુકી ક્રીમ લગાવી દો. પછી સાઈડ મા પણ લગાવી દો.

પછી ક્રીમ ભરેલા પાઈપીંગ બેગ થી ડીઝાઇન કરી લાસ્ટ મા બાકીના ગુલાબજામુન ગોઠવી દો.

પછી ડેકોરેશન કરી, ગાર્નિશ કરી ગુલાબજામુન કેક સર્વ કરો.