પહેલા ઘઉં ના લોટ માં મીઠું, જીરું પાઉડર અને તેલનું મોણ નાખી રોટલી જેવો લોટ બાંધવો અને ૨૦ મીનીટ બાજુ પર મૂકી દો જેથી સરસ કુણ આવી જાય.

હવે બટાકા ધોઈને બાફીને છાલ ઉતારી ખમણી લો.બીજા શાકભાજી ધોઇ જીણા સમારી લો.હવે એક પેનમાં તેલ મૂકી ગરમ થાય એટલે તેમાં કાંદા સાંતળી લો બદામી રંગના થાય એટલે તેમાં બીજા શાકભાજી ઉમેરીને મીઠું નાખી ચઢવા દો.શાકભાજી અધકચરા ચડી જાય એટલે તેમાં મીઠું, ચીલી ફ્લેક્સ, ઓરેગાનો અને મરી પાઉડર ઉમેરીને બરાબર મિક્સ કરી ગેસ પરથી નીચે ઉતારી તેમાં પનીર નાખી સરખી રીતે મિક્સ કરો

હવે લોટ નું લુવો વાળી થોડી રોટલી વણી તેમાં આ મસાલો ભરી આખું પરોઠુ વણી લો અને લોઢીમા તેલ નાખી બંને બાજુ બદામી રાજ પડે તેવી રીતે શેકી લો અને દહીં કે અથાણાં સાથે ગરમ ગરમ પીરસો.