સૌપ્રથમ સામગ્રીમાં માપ દર્શાવ્યા પ્રમાણે મિક્સર માં ઘી નાખો. તેમાં એક કપ ઠંડું પાણી નાખો. અને પાંચ મિનિટ સુધી બરાબર ફીણો. હવે તેમાં દૂધ એડ કરી ફરીથી પાંચ મિનિટ માટે ફીણો. ત્યારબાદ મિક્સરમાં એક એક ચમચી મેંદો એડ કરતા જવું અને ફીણવું. જરૂર પડે એટલે ઠંડું પાણી નાખવું. દસ મિનિટ સુધી ફીણી અને એકદમ પાતળું ખીરું બનાવવાનું છે.

હવે આ ખીરાને એક બાઉલમાં કાઢી લો અને તેમાં 2 ટેબલ સ્પૂન લીંબુનો રસ એડ કરો અને મિક્સ કરો.

હવે એક જાડા તળિયાવાળી તપેલી અથવા કડાઈમાં ઘી ગરમ કરવા મુકો. ઘી ગરમ થાય એટલે તેમાં ઘર બનાવવાનું મોલ્ડ મૂકો. મોલ્ડ માટે તમે સ્ટીલ નો કાંઠલો પણ પસંદ કરી શકો છો. મેં અહીંયા મોડ લીધેલ છે. ઘી ગરમ થાય એટલે ચમચીની મદદથી ઘીમાં ખીરાની પાતળી ધાર કરવી. તેમાં બબલ્સ થશે. બબલ્સ બેસી જાય એટલે ફરીથી ખીરા ની ધાર કરવી. આ રીતે ત્રણ વખત ખીરું ચમચીની મદદથી રેડવું. ચમચી ને ગોળ ગોળ ફેરવવી નહીં માત્ર ઉપરથી ધાર જ કરવી.

ગેસ ફાસ્ટ જ રાખવો. બબલ્સ આવવાના બંધ થાય એટલે વચ્ચે વેલણથી ગોળ ફેરવવી જેથી બધી જ બાજુથી ગોલ્ડન બ્રાઉન થાય.સામાન્ય કરતાં વધુ સમય ધીમા તાપે તળવા. જેથી ખાજા જેવો જ લુક આવશે. ઘેવર ના એક ઘાણને થતાં ૫ - ૭મિનીટ લાગશે. ત્યારબાદ ઘેવરને એક પ્લેટમાં કાઢી ઠંડી પડવા દેવી. આ રીતે બધા જ ઘેવર તૈયાર કરી લેવા.

હવે એક તપેલીમાં ૧ કપ પાણી મૂકી તેને ગેસ ઉપર ગરમ થવા દો. ગરમ થાય એટલે તેમાં ખાંડ એડ કરો. અને હલાવતા રહો. ચાસણી નથી બનાવવાની માત્ર મધ જેવી ચીકાશ આવે એટલે ગેસ ઓફ કરી દેવો અને તેમાં કેસર ઈલાયચી પાઉડર નાખી મિક્સ કરી લો. હવે આ ચાસણી ધીમે ધીમે ઘેવર ઉપર રેડવી.

હવે તેની ઉપર ચમચીની મદદથી રબડી સ્પ્રેડ કરો. પિસ્તા અને બદામથી ગાર્નિશ કરો.રબડી બજારમાંથી તૈયાર લાવેલ છે. જ્યારે આ કેવળ ખાવા હોય ત્યારે તેની ઉપર રબડી લગાડવી. બાકીના ચાસણી વાળા ઘેવર એક ડબ્બામાં પેક કરીને રાખવા. અઠવાડિયા સુધી સ્ટોર કરી શકાય છે.