પહેલા એક તપેલી છાશ લઈ તેમાં ચણાનો લોટ મીક્ષ કરી લેવો. બ્લેન્ડર થી ક્રશ કરી લેવુ. હવે તેમાં મીઠું, લીલા મરચાં જીણા સમારેલા અને ખમણેલું આદુ નાખી દેવું. હવે ગેસ ચાલુ કરી ગેસ ઉપર છાશ ની તપેલી મુકી દેવી.

ગેસ ની ફલેમ મીડીયમ રાખવી. સતત હલાવવુ. નહીંતર લોટ નીચે બેસી જશે. હવે તેમાં ગોળ નાખી દેવો. કહેવત છે કે સાત ઉભરા ની કઢી. સાત ઉભરા આવે એટલે ચણાનો લોટ ચણી ગયો હોય.

હવે ગેસ ચાલુ કરી ગેસ ઉપર એક વધારીયુ મુકી તેમાં તેલ અને ઘી મુકી ગરમ થાય એટલે તેમાં પહેલા રાઈ અને મેથી દાણા નાખી ને તતડે એટલે તેમાં તજ,લવીંગ, મરીઅને બાદીયા નાખી ને સાંતળવું. આ બધું સતળાઈ જાય એટલે તેમા જીરુ અને હીંગ પાઉડર નાખી સહેજ તતડે એટલે તેમાં લાલ સુકા મરચાં નાખી સતળાઈ જાય એટલે વધાર કઢી મા નાખી ઢાંકી દેવું.

કઢી નો વધાર થઈ ગયો છે.

કઢી દસ મીનીટ ઉકળવા દેવી.તો તૈયાર છે આપણી સહુની પ્રિય એવી ઘરે ઘરે બનતી ગુજરાતી કઢી.

મે કઢી ને ભાત અને પાપડ સાથે સર્વ કરી છે. તો તૈયાર છે ગરમાગરમ આપણી સહુની પ્રિય એવી ગુજરાતી કઢી.