1કપ બેસન ને ચાળી લેવાનો છે. પછી તેમાં માપ મુજબ તેલ, મીઠું, અજમો, ખારો પાપડીયો નાખી 2થી 3 ટેબલ સ્પૂન જ પાણી લઇ કઠણ લોટ બાંધવાનો છે.

લોટ ને 1/2 કલાક રેસ્ટ આપવાનો છે. ત્યાર બાદ હાથ વડે સહેજ જ તેલ વાળો હાથ કરી ખૂબ મસળી લેવાનો છે. લોટ એકદમ સફેદ અને થોડો નરમ જેવો થશે.પછી તેમાંથી એક લુવો પાડી પાટલા પર લાંબો રોલ જેવો આકાર આપી છેલ્લી આંગળી નીચે ના હાથ ના ભાગ વડે આગળ પાછળ દબાવી ટ્વિસ્ટ કરતાં આવાનું. અથવા મેં અહીં સહેલી રીત બતાવી છે એ મુજબ રોલ કરી હાથ ના સાઇડે ના ભાગ વડે વચ્ચે વચ્ચે સહેજ જગ્યા રાખી પ્રેસ કરી ટ્વિસ્ટ કરતાં જવુ. આ એકદમ સરળ રીત છે.

આમ તેને હવે આપણે ધીમા તાપે તેલ માં તળી લેવાના છે.તળાઈ ગયા બાદ તેના પર હિંગ, મરી છાંટવાનું છે જેથી સ્વાદ બઉ જ સરસ લાગશે. તો તૈયાર છે આપના વણેલા ગાંઠિયા.

કઢી બનાવવા આપણે બેસન માં દહીં,મીઠું ખાંડ અને જરૂર મુજબ પાણી નાખી એક બેટર જેવું બનાવી લેવું.

હવે તેલ લઇ તેમાં રાઈ, મેથી, હિંગ, નો વગાર કરી તેમાં લીલું મરચું, હળદર નાખી બેસન નું મિશ્રણ નાખવાનું. થોડી વાર ઉકાળી લીંબુ નો રસ નાખી ગરમ સર્વ કરવી ગાંઠિયા જોડે.