ગલકાને આછી છાલ ઉતારી ધોઇને કટકા કરવા. ૧ ચમચો લસણ આખુ રાખવું. બીજા લસણ, મરચા અને આદુ ને ખાંડી લેવા. કાજુના ફાડાને કલાક માટે પાણીમાં પલાળી રાખવા. હું ઓછી ખાટી છાશ લઉ છું. ખાટુ ભાવે તેમને ખાટી છાશ લેવી.

હવે મોટી કઢાઇમાં તેલ ગરમ કરવા મૂકવું. તેલ ગરમ થાય પછી જીરુ અને હીંગનો વઘાર કરી લસણની આખી કળી નાખો. એકાદ મિનિટ પછી આદુ, લસણ, મરચાની પેસ્ટ નાંખી ૧ મિનિટ સાંતળી ગલકા ઉમેરવા.

મીઠુ અને હળદર, કાજુના ટુકડા ઉમેરી ને હલાવી ૫ મિનિટ માટે ઢાંકીને ધીમા તાપે ચડવવુ. ગલકા માથી પાણી છૂટું પડશે. હવે બાકીના મસાલા ઉમેરી પાણી અને છાશ નાંખી થોડી વાર હલાવતા રહી ચડવા દેવું.

હવે ગાંઠિયા ઉમેરી ઢાંકીને ૧૦ મિનિટ સુધી ચડવા દેવું. શાકમાંથી તેલ છૂટું પડી જાય એટલે આપણું શાક તૈયાર છે.