मलबारी अप्पम् विथ पोटॅटो स्टयू (appam with potato stew recipe in marathi)

सगळयात आधी, तांदूळ स्वच्छ धुऊन पाच ते सहा तासांसाठी भिजत घालावे. नंतर वाटून घेताना थोडे पोहे, थोडं ओलं खोबरं आणि ईस्ट घालून गुळगुळीत वाटून घ्यावे.

पोहे भिजत घालण्याची आवश्यकता नाही. वाटलेलं मिश्रण ७ - ८ तास रुबवण्यासाठी ठेवून द्यावे.

पोटॅटो स्ट्यू बनवण्यासाठी सर्वात प्रथम एका छोट्या पातेल्यात २ वाट्या पाणी गरम (उकळवून अपेक्षित नाही) करावे आणि त्यात नारळाच्या दूधाची पावडर विरघळवून घ्यावी. हे झाले नारळाचे दूध तयार! मी इथे पावडर वापरली आहे. तुम्हांला जमत असल्यास नारळ खोवून त्यापासून बनलेले दूध ही वापरु शकता.

नंतर; ओलं खोबरं + आलं + लसूण + हिरव्या मिरच्यांचे वाटण काढावे. एका कढल्यात, तेल गरम करून हिंग आणि अख्ख्या खड्या मसाल्याची फोडणी करावी. त्यातच, बारीक चिरलेला कांदा तळसून घेऊन वाटण घालून तेही नीट परतवून घ्यावे.

तयार नारळाचे दूध + १ वाटी नेहमीचे दूध + १ वाटी पाणी वाटणात ओतून मिक्स करावे. नंतर त्या आधणात बटाट्याच्या फोडी, चवीनुसार मीठ आणि गरम मसाला घालून नीट ढवळून बारीक गॅसवर शिजू द्यावे. (गरम मसाल्याने पांढऱ्या करीला झणझणीतपणा येतो.) कढीप्रमाणे पळीने ढवळत ढवळत उकळावे. दूध + मीठामुळे जर रटरटीत शिजवला तर स्ट्यू फाटू शकतो. आपला पोटॅटो स्ट्यू तयार आहे.

अप्पाचेट्टी गॅसवर तापत ठेवावी. (त्याऐवजी, कोणतीही कान असलेली खोलगट छोटी कढई वापरू शकता). त्या दरम्यान, थोडं फर्मेंटेंड पीठ एका दुसऱ्या भांड्यात काढून त्यात चवीनुसार मीठ आणि २ चिमुटभर बेकिंग सोडा घालून एकाच दिशेने फिरवून मिक्स करावे.

भांडं तापल्यावर १ पळीभर अप्पम् पीठ ओतावे. पटकन कढई दोन्ही कानांना पकडून पीठ कढई भर गोलाकार फिरवावे. कडांना काही थेंब तेल सोडून १ मिनीटभरासाठी झाकण लावून शिजवावे.

आपले अप्पम् तयार आहेत.

तयार अप्पम् स्टयू सोबत सर्व्ह करावे.