સૌ પ્રથમ બધા ઘટકો ને એકત્રિત કરો.મગ ની દાળ ને કપડાં થી લૂછી ને જાડાં તળિયા વાળી કઢાઈ માં કે પેન માં કોરી જ શેકી લો પછી પ્લેટમાં કાઢી ને ઠંડી કરો,પછી તેને મિક્ષચર માં ક્રશ કરી લો...મગ ની દાળ નો પાઉડર તૈયાર.

પેન કે કઢાઈ માં શુદ્ધ ઘી ગરમ કરી તેમાં મગ ની દાળ નો પાઉડર ઉમેરી ને ધીમી આંચે શેકો, સોનેરી બદામી રંગ આવે ત્યાં સુધી શેકો.

દાળ સરસ શેકાઈ જાય પછી તેમાં હૂંફાળું ગરમ કરેલ દૂધ(કેસર વાળું) થોડું થોડું ઉમેરી ને હલાવતાં રહો, દૂધ બળી જવા આવે એટલે તેમાં ખાંડ ઉમેરી ને સરસ હલાવતાં રહેવું (જયારે બધું જ સરસ એકરસ થઈ જાય અને પાણી સોષાઈ જાય) પછી તેમાં ઈલાયચી પાઉડર અને મનગમતા શેકેલા સૂકામેવા ને ઉમેરી ને સરસ ભેળવી લો.

નોંધ : મગ ની લીલી દાળ નો શીરો પણ થાય,પલાળીને, ફોતરા કાઢી,ક્રશ કરી ને બનાવી શકાય....પલાળેલ પીળી દાળ નો શીરો પણ થાય ઈ આપણે ફરી બનાવશું. શીરા માં દ્વાક્ષ પણ ઉમેરી શકાય પણ મેં નથી ઉમેરી.