પૌવા બટાકા (Pauva Bataka Recipe In Gujarati)

એક નૉન-સ્ટીક પૅનમાં તેલ ગરમ કરી તેમાં રાઇ મેળવો.જ્યારે દાણા તતડવા માંડે, ત્યારે તેમાં હીંગ મેળવી મધ્યમ તાપ પર થોડી સેકંડ સુધી સાંતળી લો.

તે પછી તેમાં ડુંગળી મેળવી મધ્યમ તાપ પર ૧ થી ૨ મિનિટ સુધી સાંતળી લો.

પછી તેમાં બટાકા, ૨ ટેબલસ્પૂન પાણી, મીઠું અને ૧/૨ ટીસ્પૂન હળદર મેળવી સારી રીતે મિક્સ કરી મધ્યમ તાપ પર ૪ થી ૫ મિનિટ સુધી વચ્ચે-વચ્ચે હલાવતા રહો.૧

હવે પૅનમાં ધોઇને નીતારેલા પૌવા, થોડું મીઠું, આદું-લીલા મરચાંની પેસ્ટ, બાકી રહેલું હળદર પાઉડર, લીંબુનો રસ મેળવી સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહો

કોથમીર વડે સજાવીને ગરમ ગરમ સર્વ કરો.