સૌ પ્રથમ રવા માં ચોખાનો અને ચણાનો લોટ મિક્સ કરી તેમાં દહીં ઉમેરી બરાબર મિક્સ કરો. ૧૦ મિનિટ રેસ્ટ આપો. ત્યા સુધી આદુ-મરચા-લસણની પેસ્ટ બનાવી લો. દૂધી છીણી લો.

હવે બધી વસ્તુઓ ખીરામાં નાંખી બરાબર મિક્સ કરો. ૧ બેચ જુદી કાઢી લો. હવે પેનમાં તેલ મૂકી રાઈ-જીરું નાંખી તલ નાંખો. હવે ખીરામાં ૧ ચપટી ઈનો કે સોડા નાંખી બરાબર મિક્સ કરો અને પેનમાં ખીરું રેડી દો. ઢાંકણ ઢાંકી ૫ મિનિટ થવા દો.

પછી ઉથલાવી હાંડવાને બીજી બાજુ થવા દો. થઈ જાય પછી પ્લેટમાં કાઢી લો.

પછી થોડું ઠંડુ થાય એટલે કટ કરી લંચબોક્સ માં મૂકી કેચઅપ નું પાઉચ મૂકી દો.