સૌપ્રથમ એક કુકરમાં ઘી ગરમ કરવા મુકવું ઘી ગરમ થાય એટલે તેમાં ઘઉં ના ફાડા ઉમેરી બ્રાઉન રંગના થાય ત્યાં સુધી સાંતળવા. ફાડા શેકાય ગયા પછી સ્વાદપ્રમાણે દેશી અથવા તો રેગ્યુલર ગોળ ઉમેરી 5 વાટકી પાણી (જે વાટકી ના માપ થી ફાડા લઇએ એ જ વાટકી ના માપ પ્રમાણે પાણી લેવા નું જેથી ફાડા બફાઈ જાય.તેમ છતાં જરુર લાગે તો પાછળ થી પાણી ઉમેરી મિક્સ કરી લેવું.) ઉમેરી કુકર બંધ કરી 4 થી 5 વ્હીસલ લઈ ગેસ ઓફ કરવો.

કુકર ઠંડુ પડે એટલે લાપસી માં ઇલાયચી પાવડર, ટોપરા નું બુરુ કે છીણ ઉમેરી ને સરસ મિક્સ કરી લેવું.

ત્યાર બાદ ઘી થી ગ્રીસ કરેલી થાળી માં તૈયાર લાપસી પાથરી દેવી ઉપર થી બદામ ની કતરણ, ખસખસ, લીલી વરિયાળી ઉમેરી ગાર્નીસીંગ કરવું અને ઠંડુ પડે એટલે મનગમતાં પીસ માં કટ કરી પ્લેટ માં સર્વ કરવી.

તો મિત્રો કુકર માં ખૂબ જ ઝડપથી બનતી આ ટ્રેડીશનલ વાનગી તમે પણ જરુર થી ટ્રાય કરજો ચોકકસ ઘર ના બઘા ને પસંદ આવશે. તેમજ આ લાપસી ઠંડી પણ એટલી જ સરસ લાગે છે અને એટલા માટે સાતમ ની રસોઈ માટે પણ આ લાપસી બનાવી શકો છો.