પ્રથમ એક મિકસી જાર માં ખજૂર લઈ અને ક્રશ કરી લો.અથવા નાના-નાના ટુકડા કરી લો. ત્યાર બાદ એક પેનમાં ખસખસના બી ને એક મિનિટ શેકી લઈએ.

ત્યાર બાદ એક પેનમાં એક ચમચી ઘી મૂકી તેમાં ડ્રાયફુટસને શેકી લો.શેકાય જાય એટલે તેને એક વાસણમાં કાઢી લેવું.

હવે પાછું એક ચમચી ઘી પેનમાં લેવું. તેમાં ખજૂરના કરેલા ટુકડા નાખી દેવા.૫-૭ મિનિટ ધીમી આંચે સતત હલાવતા રહેવું.

હવે ખજૂર સરસ મેસ થઈ ગયો છે તો તેના પર શેકેલા ડ્રાયફ્રુટ્સ, ખસ ખસ ના બી અને કોપરું નાખી દો. બધુ હલાવીને સારી રીતે મિક્સ કરી દો.

થોડીવાર માટે ઠંડુ પડવા જઈ તેનો રોલ વાળી લો. હવે એક પાટલા પર ખસખસ ના બી અને પીસ્તા ની કતરણ નાખી તેના પર રોલ ફેરવી લેવો.

હવે સિલ્વર ફોલ પર આ રોલને ધીમે ધીમે ગોળ વાળતા જવું. ત્યારબાદ તેની બંને સાઇડની કિનારી પેક કરી દેવી. હવે આ રોલ ને એક કલાક માટે ફ્રિજમાં મૂકી દેવો જેથી તે બરાબર સેટ થઈ જાય. એક કલાક પછી બહાર કાઢીને તેના ગોળ ગોળ ટુકડા કરી લેવા તો તૈયાર છે ખજૂર ડ્રાયફ્રુટસ રોલ.... મજા માણો....