સૌપ્રથમ બટાકાને બાફીને એક પેનમાં તેલ ગરમ કરવા મુકો તેલમાં જીરું લીલા મરચાં ઝીણા સમારેલા અને લીમડાના પત્તા નાખી મેશ કરેલા બટાકા નાખવાનું ત્યારબાદ કાશ્મીરી લાલ મરચું મીઠું, હળદર જો તમે ખાતા હો તો નાખી શકાય અને લીંબુ નિચોવવું મસાલો મિક્સ કરી શાક તૈયાર કરવું.

ફરાળી સંભાર બનાવવા માટે ટામેટાને મોટા-મોટા કાપી મિક્સર જારમાં 50 ગ્રામ સીંગદાણા, મીઠું લીલા મરચાં,આદુ,લાલ કાશ્મીરી મરચું,હળદર ખાતા હોય તો હળદર એડ કરી વાટવું. એક પેન માં તેલ મૂકી જીરું ઉમેરી વાટેલો મસાલો નાખી ગ્રેવી તૈયાર કરવી. ગ્રેવી માંથી તેલ છૂટે એટલે બે ગ્લાસ જેટલું પાણી નાખવું.આ ગ્રેવી ને 5 થી 6 ઉભરા આવે ત્યાં સુધી ઉકળવા દેવી.દાળ પાતળી લાગે તો એક બાફેલો બટાકો મેસ કરી ને એડ કરવો અને બે ઉભરા લાવવા તો દાળ જાડી થઈ જશે. પછી ઉપરથી કોથમીર નાખી ગાર્નિશ કરવું.

ફરાળી ઢોસા ના લોટ માં એક ગ્લાસ પાણી નાખી મીઠું નાખી એક કલાક રહેવા દો. પછી એમાં બનાવતા પહેલા ચપટી ખાવાનો સોડા નાખી ખીરું તૈયાર કરો.મિકી માઉસ નો સેપઆપવા માટે એક ગોળ બનાવો ત્યારબાદ તેની ઉપર બે નાના ગોળ કાન બનાવો. બટર નાખો અને ચડવા દો ત્યારબાદ મસાલો એટલે કે શાક મૂકી મિકી માઉસ ની બે આંખ બનાવી તેના પર એક મરિયું મૂકો અને તેને ફરાળી સંભાર સાથે પીરસો. અહી મે બીજો એક ફુલ ના આકાર નો પણ ઠોસોબનાવ્યો છે આપ અલગ અલગ શેપ બનાવી બાળકોને પીરસી શકો છો.

આ રીતે અલગ અલગ ટાઈપ ના ઢોસા બનાવી શકાય.