સૌપ્રથમ ફરાળી થેપલા બનાવવા માટે એક બાઉલમાં રાજગરાનો લોટ અને શિંગોડાનો લોટ લઈ તેમાં મીઠું અને એક ચમચી મરી પાવડર નાખી અને ૧ નંગ બટેટા નાખો બાફેલું અને બધું બરાબર મિક્સ કરી લો.ત્યાર બાદ તેમાં અડધો ગ્લાસ પાણી નાખી લોટ બાંધી લો. પાંચથી દસ મિનિટ લોટને રેસ્ટ આપો.

ત્યારબાદ તેમાંથી થેપલા વણી લો. હવે તેને તેલ મૂકીને બરાબર શેકી લો.

ફરાળી સૂકીભાજી બનાવવા માટે સૌપ્રથમ બાફેલા બટેટા લઈને તેને બરાબર સમારી લો ત્યારબાદ એક પેનમાં તેલ મૂકી તેમાં મરચું અને ટામેટું નાખી બરાબર સાંતળી લો ત્યારબાદ તેમાં બાફેલા બટેટા નાખો ત્યારબાદ તેમાં લાલ મરચું પાવડર અને મરી પાવડર અને મીઠું અને લીંબુ નાખીને બરાબર હલાવી લો તૈયાર છે ફરાળી સૂકીભાજી.

હવે એક પેન માં તેલ મૂકી તેમાં ઘરે બનાવેલી વેફર અને સાબુદાણા ની વેફર તળી લો.

હવે મસાલા ફરાળી સિંગ દાણા બનાવવા માટે તેને તેલમાં તળી લો ત્યારબાદ તેને એક બાઉલમાં લઈને તેમાં લાલ મરચું પાવડર અને મીઠું નાખી બરાબર હલાવી લો તૈયાર છે મસાલા ફરાળી સિંગ દાણા.

હવે કેળા ને બરાબર સમારી લો. અને ઘરે બનાવેલું દહી લો.

હવે લીલી ચટણી બનાવવા માટે સૌપ્રથમ એક મરચું બરાબર સમારેલો કોથમીર લો અને સીંગદાણા લો અને ત્રણથી ચાર ચમચી પાણી લઈ થોડું મીઠું નાખો અને થોડી ખાંડ નાખો અને તેને મિક્સરમાં ક્રશ કરી લો તૈયાર છે લીલી ચટણી.

અને મરચાં એ પણ તળી લો. તૈયાર છે ફરાળી થાળી.