સૌપ્રથમ ચોખા અને દાળ ને ધોઈ એક સાથે પાણીમાં ૨૫-૩૦ મિનિટ સુધી પલાળી રાખો. ત્યારબાદ તેમાં મીઠું અને હળદર નાખીને કૂકરમાં બાફી લો. બફાઈ જાય એટલે તેમાં થોડું પાણી ઉમેરીને સહેજ વલોવી લો.

હવે એક કઢાઈમાં ઘી અને તેલ ગરમ કરો. તેમાં રાઈ અને જીરું ઉમેરો. રાઈ તતડે એટલે હીંગ અને સૂકા લાલ મરચાં ઉમેરો. હવે તેમાં સમારેલી ડુંગળી, લીલા મરચાં અને વાટેલું લસણ ઉમેરીને સાંતળો. ડુંગળી સંતળાઈ જાય એટલે સમારેલું ટમેટું ઉમેરીને સાંતળો. ગ્રેવી ના ભાગ નુ મીઠું ઉમેરીને મિક્સ કરો. લાલ મરચું પાઉડર, શેકેલા જીરું નો પાઉડર ઉમેરી મિક્સ કરો.

હવે તેમાં બાફેલા દાળ ચોખા નુ મિશ્રણ ઉમેરીને મિક્સ કરો. સમારેલી કોથમીર ઉમેરીને મિક્સ કરો. જરૂર હોય તો થોડું પાણી ઉમેરીને ૩-૪ મિનિટ સુધી થવા દો. તૈયાર છે રેસ્ટોરન્ટ જેવી દાળ ખિચડી.