છોલે બનાવવા માટે સૌપ્રથમ ચણાને ત્રણથી ચાર કલાક માટે પાણીમાં પલાળી રાખવા. ત્યારબાદ કુકરમાં ૨ કપ પાણી લઈ ચણા ઉમેરી દો. હવે મીઠું અને થોડી હળદર નાખી પાંચથી છ કુકરની સીટી કરી લો.

રાઈસ બનાવવા માટે અડધો કપ ચોખા લઈ બરાબર પાણી થી ધોઈ તેમાં ૨ કપ પાણી ઉમેરી અડધો કલાક માટે રાખી મૂકો. ત્યારબાદ ચોખા ને ગેસ પર ઉકાળી લો. ચોખા બરાબર રંધાઈ જાય એટલે એક કાણાવાળા વાસણમાં નિતારી લો.

વઘાર માટે એક પેનમાં 3 ચમચા તેલ ગરમ મૂકો. તેલ ગરમ થાય એટલે તેમાં આદુ-મરચા-લસણની પેસ્ટ ઉમેરો. બરાબર સાંતળી લો હવે તેમાં ડુંગળીની પ્યોરી ઉમેરો. મિડિયમ થી ધીમા ગેસ પર બે મિનીટ સુધી સાંતળી લેવું પછી તેમાં ટોમેટો પ્યોરી ઉમેરી. બધુ બરાબર મિક્સ કરી તેલ છૂટું પડે ત્યાં સુધી ધીમા ગેસ પર મુકી રાખો.

તેલ છૂટું પડે ત્યાર બાદ તેમાં બધા મસાલા કરવા સૌપ્રથમ અડધી ચમચી હળદર, 1 ચમચી ધાણાજીરૂ, 2 ચમચી લાલ મરચું પાવડર, બે ચમચી છોલે મસાલા પાવડર, અનુસાર મીઠું ઉમેરી મિક્ષ કરી લેવું. હવે તેમાં બાફેલા ચણા ઉમેરવા. બધું સરસ રીતે મિક્સ થઈ જાય એટલે અડધી ચમચી લીંબુનો રસ ઉમેરો અને તેલ છૂટું પડે ત્યાં સુધી મીડીયમ ગેસ પર પાંચથી દસ મિનિટ સુધી રાખો. જો તમને ગ્રેવીવાળું શાક જોઈતું હોય તો તમે થોડું પાણી ઉમેરી શકો છો.