સફેદ ચણાને ૮-૧૦ કલાક માટે પાણીમાં પલાળી રાખો. ચણામાં મીઠું અને ૨ ગ્લાસ પાણી ઉમેરી કુકરમાં ૪-૫ સીટી થાય ત્યાં સુધી બાફી લો.

કડાઈમાં તેલ ગરમ કરી તેમાં ડુંગળીની પ્યુરી ઉમેરીને સોનેરી રંગની થાય ત્યાં સુધી સાંતળી લો, પછી તેમાં આદું-લસણની પેસ્ટ અને ટામેટાની પ્યુરી ઉમેરીને ૫ મિનીટ સુધી સાંતળો.

ત્યારબાદ તેમાં હિંગ, હળદર, લાલ મરચું પાઉડર, ધાણાજીરૂ પાઉડર, છોલેમસાલા પાઉડર અને મીઠું ઉમેરી બરાબર મિક્સ કરો. ૨ મિનીટ બાદ તેમાં બાફેલાં ચણા ઉમેરી મિક્સ કરી લો. ૫ થી ૭ મિનિટ સુધી ધીમા તાપે ઉકળવા દો.

પછી આમચૂર પાઉડર અને કસૂરીમેથી ઉમેરી મિક્સ કરી ગેસ બંધ કરી દો. તો પંજાબી છોલે તૈયાર છે, તેને ગરમાગરમ પૂરી કે ભાત સાથે પીરસો.