દાલ ફ્રાય : સૌપ્રથમ ત્રણે દાળને બાફી લો ડુંગળી ટમેટું બારીક સમારી લો આદુ લસણ ખમણી લો.મરચું ઝીણું સમારી લો.એક તપેલીમાં ૩ ચમચી ઘી અને ૩ ચમચી તેલ નાખી વઘાર મૂકો.તેમાં જીરું, લીમડો,હિંગ અને સૂકા મરચાં નો વઘાર કરો.લસણ,આદુ અને મરચા એક પછી એક ઉમેરતાં જાવ અને હલાવતા જવું.ત્યારબાદ ડુંગળી ઉમેરો.ડુંગળી સટલાઈ જાય પછી ટામેટા ઉમેરો.બધું ૧ થી ૨ મિનિટ માટે ચડવા દો

ત્યારબાદ તેમાં મરચું,મીઠું, ધાણાજરુંં,હળદર,ગરમ મસાલો બધા મસાલા ઉમેરો.મસાલા ચડી જાય પછી બાફેલી દાળ ઉમેરી દો.બધું મિક્સ થઈ જાય પછી છેલ્લે તેમાં લીંબુનો રસ અને કોથમીર નાખી ગરમ ગરમ રાઈસ,પરોઠા કે બટર નાન સાથે પીરસો.

જીરા રાઈસ : એક તપેલી માં ચોખા ૨ વાર પાણીથી સાફ કરી તેમાં પાણી નાખી ધીમા ગેસ પર ભાત થવા મૂકો.ભાત થઈ જાય પછી ચરણીમા ઓસાવી લો.થોડીવાર એમનેમ જ રેહવ દો.વઘાર માટે એક તપેલીમાં ઘી મૂકી જીરું નાખી વઘાર કરો.વઘાર થઈ જાય પછી તેમાં ઓસા વેલા ભાત અને સ્વાદ મુજબ મીઠુ ઉમેરી સાવ હળવા હાથે બધુ મિક્સ કરો,ઉપર થી કોથમીર નાખી દાલ ફ્રાય સાથે પીરસો.