એક બાઉલમાં દહીં તથા તેલ ઉમેરી તેને બરાબર મિક્સ કરી લો. ત્યારબાદ તેમાં મેંદાનો લોટ, ઘઉંનો લોટ, બેકિંગ પાઉડર, બેકિંગ સોડા, દળેલી ખાંડ અને સ્વાદાનુસાર મીઠું ઉમેરી પનીરના પાણીથી (અથવા હુફાળા પાણીથી) નરમ કણક બાંધી લો. કણકને ૩૫-૪૦ મિનિટ સુધી રેસ્ટ આપો.

તે દરમિયાન એક પેનમાં ઝીણા સમારેલા લસણને ઘી સાથે શેકી લો. ત્યારબાદ તેને મિક્સરની જારમાં પીસી લો. હવે આ લસણની પેસ્ટને બટરમાં(અમુલ બટર હોય તો વધુ સારૂ, ઘરનુ માખણ લઈ શકો પણ તેમાં છાશનો જરાપણ ભાગ ના હોવો જોઈયે) ઉમેરી મિક્સ કરી લો. પછી ઝીણા સમારેલા મરચા અથવા કેપ્સીકમને મીંઠુ ઉમેરી ઘી સાથે શેકી લો.

કણકને તેલ વડે ૫-૭ મિનિટ સુધી બરાબર મસળી લઈ તેના નાના ગોળા વાળો. હવે ઈડલી સ્ટેન્ડને તેલ થી ગ્રીઝ કરી લો. (જો કાણાવાળુ ઈડલી સ્ટેન્ડ હોય તો પહેલા બટર પેપર જરૂરથી મુકવા) તેની પર ગોળા મુકી, ઉપરથી તેલનુ બ્રશીંગ કરી લો. હવે આ સ્ટેન્ડને પ્રેશર કુકરમાં ૧૦-૧૫ મિનિટ બેક કરવા મુકો. મિનિ બન તૈયાર છે તેને ઠંડા પાડી વચ્ચેથી બે સ્લાઈસ કરો.

હવે દરેક બન પર ગાર્લિક બટર લગાવો ત્યારબાદ કેપ્સીકમ-મરચા ઉમેરો. તે પછી ચીઝ ખમણી, ઓરેગાનો ચીલી ફલેક્સ ભભરાવો. હવે એક પેનમાં બટર ઉમેરી, મિનિ ગાર્લિક બનને ચીઝ મેલ્ટ થાય ત્યા સુધી ગરમ કરો. તો તૈયાર છે મિનિ ગાર્લિક બન..........