સૌ પ્રથમ બટેટા ને બાફી લો. પછી ડુંગળી, કેપ્સિકમ, કોથમીર ને નાના પીસીસ મા સુધારી લો.

બટેટા ને સ્મેશ કરી દો. અને એક બાઉલમાં બધા મસાલા અને બધા વેજીટેબલ ને મિક્સ કરો. પછી મિડીયમ ગોળા વાળી લો.

હવે કાતર થી બ્રેડ ની કિનારી કાપી લો. પછી એક વાટકા મા પાણી લો. તેને પાણી મા જરાક ડુબાડી ભીની થાય એટલી જ. પછી બે હાથ વચ્ચે બ્રેડ રાખી બધુ પાણી નીતારી લો.

હવે ભીની બ્રેડ પાતળી અને લાંબીથશે. તેમા સ્ટફીંગ નો બોલ રાખી બ્રેડ ની ચારેબાજુ થી વાળી બોલ શેઈપ બનાવી લો. જરૂર મુજબ તેને દબાવો.

હવે ગેસ પર તેલ ગરમ કરવા મુકો. હવે બ્રેડ પકોડા ને તળો. ફુલ તાપે જ તળવા.

રેડી છે ગરમાગરમ બ્રેડ પકોડા જેને સોસ અને ચા સાથે સર્વ કરો.