સૌપ્રથમ દાળ અને ચોખાને ધોઇ 1/2કલાક પલાળી રાખવા. ત્યારબાદ તેને કુકરમાં લઈ તેમાં તજ લવિંગ તમાલપત્ર મીઠું અને હળદર ઉમેરી ઢાંકણ બંધ કરી બે સીટી કરી ગેસ બંધ કરવો.

ત્યારબાદ મસાલા માટેની બધી વસ્તુ લઈને મિક્ષ કરી લેવી. અને શાકભાજીમાં એક કાપો આપી તેમાં આ મસાલો ભરી લેવો.

હવે ખીચડીનું કુકર ખોલી તેમાં ફરી બેથી અઢી બાઉલ પાણી ઉમેરી ચમચા ના દાંડલા થી તેમાં ફેરવી લો. અને તેમના ઉપર ભરેલા શાકભાજી જેવા કે પેલા બટેટા ડુંગળી રીંગણા એની ઉપર મરચાં અને તિંડોળા મૂકી ઢાંકણ ઢાંકી ફરી એક સીટી કરવી.

ત્યારબાદ વઘારીયા માં ઘી લઈ મેથી લાલ થાય એટલે રાઈ, જીરુ અને હિંગ ઉમેરી, સૂકા લાલ મરચાં અને લીમડો ઉમેરી ગેસ બંધ કરી તેમાં લાલ મરચું ઉમેરી ખીચડી ઉપર વઘાર નાખી દેવો. તો તૈયાર છે આપણી એક હેલ્ધી અને different એવી ભરેલા શાક વાળી ખીચડી ને કઢી સાથે સર્વ કરો