સૌ પ્રથમ ચોખા અને દાળ ને ધોઇ ને પલાળીને રાખો પછી તેમાં મીઠું અને હળદર નાંખી 4 ગ્લાશ પાણી નાખી કૂકર માં બાફી લો.

હવે ખીચડી ને ચારણી માં કાઢી લો એટલે ઓસામણ નીકળશે. હવે કડાઇ માં તેલ મૂકો ગરમ થાય એટલે રાઈ અને જીરું તતડે એટલે હીંગ નાખી,લીલું લસણ સાંતળો પછી તજ, લવીંગ,તમાલપત્રા, સૂકું મરચું નાંખી ઓસામણ વઘારો, હવે તેમાં મીઠું,ગોળ, લાલ મરચું પાઉડર નાંખી ઉકળવા દો પાંચ મિનિટ પછી તેમાં ધાણા ભાજી છાંટી લો.

હવે નોન સ્ટીક પેન માં તેલ મૂકો ગરમ થાય એટલે રાઈ જીરું મૂકો જીરું રાઈ તતડે એટલે હીંગ નાખી લીલું લસણ, લીલી ડુંગળી,આદુ મરચાં ની પેસ્ટ સાંતળો, હવે ઘી ઉમેરો તેમાં સૂકું મરચું, તમાલપત્રા નાંખી સાંતળો પછી તેમાં લીલા વટાણા, ગાજર, બટેટું, કેપ્સીકમ, મેથી ની ભાજી, પાલક ની ભાજી, સાંતળો પછી તેમાં નાની વાટકી પાણી નાખી ઢાંકી ને ચઢવા દો. પાંચ મિનિટ પછી તેમાં લાલ મરચું પાઉડર, મીઠું, ગરમ મસાલો નાંખી સાંતળો પછી તેમાં ખીચડી ને છૂટી કરી ઉમેરી સારી રીતે હલાવી લો પછી તેમાં ટામેટાં અને ધાણા ભાજી છાંટી લો.

આ ટેસ્ટી અને સ્વાદિષ્ટ પંચરત્ન ખીચડી ને ઓસામણ, પીરસો અને જમો.