ચોખા અને બધી દાળ ને સરખી રીતે ૨-૩ વાર ધોઈ, ૫-૬ કલાક પલાળી રાખવી.
ત્યારબાદ બધું પાણી નિતારી કોર્સ ક્રશ કરી લેવી..મેથી ને પણ સાથે જ ક્રશ કરી લેવી..

તેમાં ખાટું દહીં અને જોઈતું પાણી નાખી ખીરું બનાવી લગભગ ૭-૮ કલાક આથો રાખવા ગરમ જગ્યા માં રાખી મૂકવું

આથો આવી જાય ત્યારે તેમાં બધા મસાલા,ગોળ તેમજ દૂધી અને મેથી ભાજી નાખી હલાવી વઘાર ની તૈયારી કરવી.

એક પેન માં તેલ લઇ રાઈ,મેથી,હિંગ, તલ,લીમડા ના પાન તેમ જ આખા લાલ મરચા અને લાલ મરચું પાઉડર એડ કરી,વઘાર હાંડવા ના બેટર માં પોર કરી દેવો.ઉપર થોડો વઘાર રેડવો અને તલ સરખા પ્રમાણ માં ભભરાવવા..

હાંડવાના કુકર ની નીચે ની ડિશ માં રેતી ભરી તેને ૫-૧૦ મિનિટ માટે ફાસ્ટ ગેસ પર પ્રિ હિટ કરી લેવી,
હવે હાંડવા ના કુકર ને બધી બાજુ તેલ થી સરખી રીતે ગ્રીસ કરી બેટર રેડી દેવું અને ગેસ પર રેતી ની ડિશ પર મૂકી પહેલા દસ મિનિટ હાઈ ફ્લેમ પર પછી સ્લો ગેસ પર ચડવા દેવો..

લગભગ એક કલાક બાદ કુકર ખોલી તબેથો નાખી જોઈ લેવું..clean નીકળે તો સમજવું ચડી ગયો છે.
તરત તેને રેતી ની ડિશ પર થી નીચે ઉતરી ૧૫-૨૦ મિનિટ માટે સીજાવા દેવો..

કુકર સાવ ઠંડુ પડી જાય ત્યારબાદ ચપ્પા થી ચારે બાજુ થી કિનારો લુઝ કરી લેવી અને થાળી માં કુકર ઊંધું કરી હાંડવો આખો નીકળે એમ ટ્રાય કરવો.

લો,આ રહ્યો હાંડવો....
મન ભરી ને ખાવ..