ચાસણી બનાવા માટે ખાંડ ને પાણી કઢાઈ માં લો અને એક તારી ચાસણી કરો. એમાં કેસર નાંખો થોડી ઉકાળો. ચાસણી વધુ ઘટ્ટ ના બનવી જોયે. ગેસ બંધ કરી પછી ઇલાયચી પાઉડર ઉમેરો.

હવે જાંબુ માટે રવા ને પેન માં એક ચમચી ઘી માં સાવ ધીમા તાપે થોડો ૨-૩ મીનીટ શેકો એને બદામી નથી કરવાનો.પછી એને ઠંડો પડવા દો. એ જ પેન માં ૧ ચમચી ઘી અને દૂધ લઇ દૂધ નો ઉભરો આવે પછી મિલ્ક પાઉડર એડ કરી હલાવો. ૨-૩ મીનીટ બાદ રવો ઉમેરો. ઉમેરતી વખતે ધ્યાન રાખવું કે ગાંઠા ન પડે. મિશ્રણ ને બરાબર થીક થાય એટલી સુધી હલાવતા રહો. માવા જેવું બને એટલે એને ઠંડો પડવા દો.

મિશ્રણ ઠંડુ પડે પછી થોડુ મસળી એમાંથી નાના ગુલ્લા લઈ ફાટે નહીં એ રીતે હળવા હાથે વાળી લો. ઘી/તેલ ગરમ થાય એટલે મધ્યમ આંચ પર બ્રાઉન કલર નાં તળી લો.પેલા એક જાંબુ નાંખી ચેક કરવું કે એ છૂટતા તો નથી ને. પછી બધા તળવા.

બધા જાંબુ તળાય જાય એટલે ચાસણી માં ડૂબાડી દો અને ચાસણી ને ૩-૪ મીનીટ ગરમ કરો. ઠંડા પડે એટલે બદામ ની કતરણ નાંખી સવૅ કરો.