બટેટા બરાબર ધોઈને બાફી લેવા. ઠંડા થાય એટલે છાલ ઉતારી લેવી અને તેનો માવો બનાવો. તેમાં આદુ મરચાં વાટીને ઉમેરવા. ઝીણી સમારેલી કોથમીર, સ્વાદ મુજબ મીઠું, ખાંડ, લીંબુ, ગરમ મસાલો બધુ ઉમેરી બરાબર મિક્સ કરી લેવું. તેમાં બે ચમચી પૌવા ઉમેરો તેથી માવો કઠણ થાય. તેના મીડિયમ સાઇઝના ગોળા વાળી લેવા.

એક બાઉલમાં ચણાનો લોટ લઇ તેમાં જરૂર મુજબ પાણી ઉમેરી બેટર તૈયાર કરવુ. તેમાં સ્વાદ મુજબ મીઠું, હળદર, સાજીના ફૂલ અને એક ચમચી લીંબુનો રસ ઉમેરી બરાબર મિક્સ કરવું.

એક કડાઈમાં તેલ ગરમ મૂકી બધા ગોળા ચણાના લોટ તૈયાર કરેલ બેટર માં ઉમેરી મિડીયમ ગેસ ઉપર તળી લેવા. ખજૂર આમલીની ચટણી સાથે સર્વ કરવું. સાથે છાશ હોય તો ઓર મજા આવે.