સૌ પ્રથમ અળવી ના પાન ને બરાબર ધોઈ ને કોરા કરી લો. હવે આ પાન ની પાછળ જે મોટી મોટી નસો હોય એ કટ કરી લો. હવે આ પાન ને કાતર કે ચપ્પા થી જીના જીના કટ કરી લો.

ત્યાર બાદ એક બાઉલ માં ચણા નો લોટ ઉમેરો હવે તેમાં હળદર પાઉડર, લાલ મરચું પાઉડર, ધાણા જીરું પાઉડર, ગરમ મસાલો, હિંગ, નમક, આદુ લસણ લીલા મરચાં ની પેસ્ટ ઉમેરો.

હવે આમાં લીંબૂ નો રસ, ખાંડ, સફેદ તલ અને થોડું થોડું પાણી ઉમેરતા જઈ જાડું બેટ્ટર તૈયાર કરી લો.

તે પછી આમાં ચપટી બેકિંગ સોડા અને તેલ ઉમેરી બરાબર મિક્સ કરી લો. હવે આમાં અળવી ના જીના સમારેલા પાન ઉમેરી બરાબર મિક્સ કરી લો.

હવે આ બેટર ને તેલ થી ગ્રીસ કરેલી પ્લેટ માં આ તૈયાર કરેલું બેટર ઉમેરો. અને બધું બરાબર ચમચા થી સ્પ્રેડ કરી ઉપરથી સફેદ તલ ભભરાવી દો.

હવે ઢોકળા ને સ્ટીમર માં પહેલે થી ગરમ કરેલા પાણી માં આ પ્લેટ સ્ટિમ કરવા મૂકો. આને ગેસ ની મીડીયમ આંચ પર ૧૫ મિનિટ માટે બાફી લો. હવે ઢોકળા તૈયાર થઇ ગયા છે એ ચકુ કે ટૂથ પિક થી ચેક કરી લો. હવે આ ઢોકળા ને ૧૦ મિનિટ ઠંડા કરી ચકુ થી કટ લગાવી પીસ કરી લો.

હવે આ અળવી ના ઢોકળાં ના વઘાર કરીશું. એની માટે એક પેન માં તેલ ગરમ કરી તેમાં રાઈ અને જીરું ઉમેરી તતડે એટલે એમાં સફેદ તેલ, મીઠા લીમડા ના પાન અને લીલા મરચાં ના ટુકડા ઉમેરી આમાં અળવી ના ઢોકળાં ઉમેરી બંને બાજુ ફ્રાય કરી લો.

હવે આપણા અળવી ના પાન ના ઢોકળા તૈયાર છે સર્વ કરવા માટે. આ ઢોકળા પર લીલી કોથમીર ના પાન થી ગાર્નિશ કરો.