સૌ પ્રથમ બાસમતી ચોખા ધોઈ પ મિનિટ પલાળી રાખવા.પછી એક તપેલીમાં પાણી ગરમ કરવા મૂકવું. પાણી ગરમ થઇ જાય એટલે તેમાં બાસમતી ચોખા ઉમેરી, તેમાં સ્વાદ મુજબ મીઠું નાખી ને તેમાં ૧/૨ ચમચી ઘી નાખી હલાવી થવા દેવું.

ત્યાર બાદ ચોખા થવા દેવા અને હલાવતા રહેવું. ચોખાને એકદમ ચડવા ન દેવા.થોડા કડક રાખવા.પછી ભાત ને ચારણીમાં નિતારીને ઠંડા થવા દેવા. પછી પેનમાં ઘી મૂકી તેમાં તજ, લવિંગ, મરી, તમાલપત્ર, કાજુ, લાલદ્ભાક્ષ, વટાણા અને ગાજર નાખી સાંતળી લેવું.

હવે ભાત નાખી બધું મિક્સ કરી લેવું અને તેને બાઉલમાં કાઢીને કઢી સાથે ગરમ ગરમ સર્વ કરવું.