● ગ્રેવી બનાવવા માટે: 1 કડાઈ માં 1 ચમચી તેલ મૂકી, તેમાં સમારેલ ડુંગળી, આદુ અને લસણ સાંતળો. ત્યારબાદ તેમાં ટામેટા ઉમેરી, બરાબર હલાવી, 2-3 મિનિટ ચડવા દો.

મિક્સર જારમાં કાજુના ટુકડા તેમજ પલાળેલા મગજતરી ના બી તેમજ ઉપરોક્ત મિશ્રણ ઉમેરી, બ્લેન્ડ કરી, ગ્રેવી તૈયાર કરો.તો તૈયાર છે પનીર બટર મસાલા માટેની ગ્રેવી.

એક કડાઈમાં બટર ઉમેરી, તેમાં તજપતા સાંતળો, ત્યારબાદ તેમાં જીરુ પાઉડર, મરચું પાઉડર અને હળદર ઉમેરી, સાંતળી લો.હવે તેમાં તૈયાર કરેલ ગ્રેવી ઉમેરો, બરાબર મિક્ષ કરી, ઓઇલ છૂટું પડે ત્યાં સુધી ધીમા તાપે હલાવો. ત્યારબાદ તેમાં ચપટી ખાંડ, સ્વાદ અનુસાર નમક અને 1 બાઉલ પાણી ઉમેરી, હલાવી લો, જરૂરિયાત મુજબ મરચું પાઉડર તેમજ ગરમ મસાલો ઉમેરી, મિક્સ કરી લો.હવે તેમાં ફ્રેશ ક્રીમ તેમજ પનીરના પીસ ઉમેરો.ઢાંકીને 8-10 મિનિટ કૂક થવા દો.

હવે તેમાં કસૂરી મેથી અને સમારેલ કોથમીર ઉમેરી, ગરમા ગરમ સર્વ કરો. તો તૈયાર છે પનીર બટર મસાલા, જેને નાન, છાસ, પાપડ અને સલાડ સાથે સર્વ કરો.