બાસમતી ચોખા ને અડધો કલાક પલાળી રાખો.પછી એક મોટા વાસણમાં ચોખા ડૂબે એટલું પાણી ગરમ કરવા મૂકો.એમાં ૧ -૧ તજ,લવિંગ,ઇલાયચી, તમાલ પત્ર,મીઠું અને ૨ ચમચી તેલ નાખી પાણી ઉકાળો.

પાણી ઉકળી જાય ત્યારે તેમાં ચોખા નાંખો,ચોખા અધકચરાં ચડી જાય એટલે તેને એક સ્ટેઇનર માં કાઢી ને ઉપર ઠંડુ પાણી નાખી ને નિતારી લો.સાઇડ પર ઠંડા થવા દો

હવે ૩ થી ૪ નંગ કાંદા ને લાંબા સમારી ને તેલ મા ગોલ્ડન બ્રાઉન અને ક્રિસ્પી થાય ત્યાં સુધી સાંતળો,અને બીજી ડિશ માં કાઢી લો.

હવે એક મોટી કઢાઇ માં ૫૦ ગ્રામ જેટલું ઘી લઈ એમાં બાકી માં સૂકા મસાલા,કાજુ ના ટુકડા,લીલા મરચાના મોટા ટુકડા અને જીરું નાખો,બધું ગોલ્ડન બ્રાઉન કલર નું થાય એટલે એમાં ૧ નાનો ઝીણો સમારેલો કાંદો નાખો.

કાંદો પણ ગોલ્ડન બ્રાઉન કલર થાય એટલે એમાં આદુ લસણ ની પેસ્ટ નાખો,૧ મિનીટ સાંતળો અને બધા વેજીટેબલ ના મોટા ટુકડા કરીને નાખો.

હવે એમાં હળદર, ધાણા જીરું અને મીઠું નાખો.

૨ થી ૪ ચમચી બિરિયાની મસાલો,અને લાલ મરચું નાખી સારી રીતે મીક્સ કરો.

હવે ૧ વાટકી મોરું દહીં ઉમેરો અને બધા મસાલા સાથે સારી રીતે મિક્સ કરો.

હવે એમાં ઝીણાં સમારેલાં લીલાં ધાણા અને ફુદીના ના પાન અને તળેલા કાંદા નાખો.અને અડધો ગ્લાસ પાણી નાંખો.

હવે ઉપરથી ચોખા નું લેયર કરો,અને ઉપર થી ફુદીના, લીલાં ધાણા અને તળેલાં કાંદા ભભરાવો.

ઉપરથી ૨ ચમચી ઘી નાખો.હવે આ રીતે પાછું બીજું લેયર કરો.

હવે ઉપરથી ઘી અને કેસર નું પાણી રેડો અને ઢાંકણ ઢાંકો.કઢાઈ ને એક બીજા તવા પર મૂકી મધ્યમ ગેસ કરી ૧૫ થી ૨૦ મિનીટ થવા દો.

૧૫ મિનીટ પછી તૈયાર છે હૈદરાબાદી બિરયાની, રાયતા સાથે ગરમ ગરમ સર્વ કરો.